‘महिन्द्रा उदय’ मा एक्सयूभी ३०० र मराजो सार्वजनिक गरिने

काठमाडौं । महिन्द्राका नेपाली बजारमा उपलब्ध भएका ३० भन्दा बढी उत्पादनलाई एउटै छानामुनि शोकेस सार्वजनिक गर्दै महिन्द्रा ब्रान्ड, यसका उत्पादन, प्रविधी र विकास चरणलाई आमनागरिक समक्ष जानकारी दिने उद्देश्यले यहि फागुन १० गतेदेखि १२ गतेसम्म तीन दिन ‘महिन्द्रा उदय’ नामबाट एकल अटो प्रदर्हनी गर्न लागेका छ ।

उक्त मेला महिन्द्राका लागि नेपालको आधिकारीक वितरक अग्नी इन्कर्पोरेट, एमभी दुगड, स्वराज पार्टनर र महिन्द्रा एन्ड महिन्द्रा लिमिटेडले संयूक्तरुपमा गर्न लागेको हो । उक्त लाइफस्टाइल एन्ड अटो शोमा हामीले महिन्द्राका चर्चित दुई नयाँ गाडी शोकेस गर्न लागेको कम्पनीले उल्लेख गरेको छ ।

उक्त मेलामा फागुन २ गते भारतीय बजारमा सार्वजनिक भएको महिन्द्राको पहिलो कम्प्याक एसयूभी र केही महिना अगाडिदेखि भारतीय बजारमा उपलब्ध एमपीभी मराजो प्रदर्शन गरिने बताइएको छ । यी दुबै गाडी नेपाली बजारमा समेत धेरै जानकारी मागिएको हुँदा यसलाई महिन्द्रा उदय मेलामा शोकेस गर्न लागेको कम्पनीले जानकारी दिएको छ ।

भारतीय बजारमा सार्वजनिक हुनुअघि बाटै निकै चर्चामा रहेको यो कम्प्याक एसयूभी हो । महिन्द्राको नयाँ प्लाटफर्म ‘एक्स १००’ अवधारणामा आधारित एक्सयूभी ३०० को धेरै जस्तो डिजाइन एक्सयूभी ५०० फेसलिफ्टबाट प्रभावित रहेको छ ।

सुरक्षाको लागि एयरव्याग, एबीएस, चारै चक्कामा डिस्क ब्रेक, इबीडी, इएसपी, ट्रयाक्सन कन्ट्रोल, इन्जिन इमोविलाईजर, सेन्ट्रल लकिङ सिस्टम, पावर डोर लक, ओआरभीएममा ट्रन इन्डिकेटर, साइड एयरव्याग, ब्रेक एसिस्ट, हिल एसिस्ट, कर्नरिङ लाईट, रियर वाईपर र रेन सेन्सीङ वाईपर जस्ता फिचर दिइएको छ ।

यो एसयूभीको लम्बाई ४५८५ एमएम, चौडाई १८९० एमएम, उचाई १७८५ एमएम र ह्वील बेस २७०० एमएम रहेको छ । यसमा बुट स्पेश ७०२ लिटर क्षमताको दिइएको छ भने, ग्राउन्ड क्लिएरेन्स २०० एमएम रहेको छ । यसको डियुल टोन ड्यासबोर्ड निकै आर्कषक रहेको छ भने, डियुल जोन क्लाइमेट कन्ट्रोल, क्रुज कन्ट्रोल, मनोरञ्जनको लागि इन्फोटेन्टमेन्ट सिस्टम, एयरकन्डिसन, हिटर, फ्रन्ट आर्मरेष्ट, रियर आर्मरेष्ट, सराउन्ड कुलिङ सिस्टम, स्टेरिङ माउन्टेड अडियो, किलेस इन्ट्री, पार्किङ सेन्सर जस्ता फिचर रहेका छन् ।

यो एसयूभी डिजेल र पेट्रोल दुबै अप्सनमा उपलब्ध हुनेछ भने दुबै अप्सनमा ४–४ भेरियन्ट रहेको छ । यसमा १.५ लिटर डिजेल र १.२ लिटर टर्बो इन्जिन दिइएको छ । महिन्द्रा मराजो कम्पनीको अहिलेसम्मकै सबैभन्दा ठूलो प्यासेन्जर भेहिकल हो जसलाई ७ र ८ जनाले आरामदायी रुपमा यात्रा गर्न सक्ने छन् ।

मराजोको डिजाइन शार्क माछाबाट प्रेरित रहेको छ भने कारको केही भागहरु शिकारी माछाको रुपमा डिजाइन गरिएको छ । यसको लम्बाई ४५८५ एमएम, चौडाई १८९० एमएम, उचाई १७८५ एमएम र ह्वीलवेस २७६० एमएम रहेको छ । पेसेन्जरको लागि धेरै सिटको व्यवस्था गरिएकोले यसमा बुट स्पेशभने १७० लिटरमात्र उपलब्ध रहेको छ ।

सुरक्षाको लागि एयरव्याग, पेसेन्जर एयरव्याग, एबीएस, एबीडी, इनिजन इमोविलाइजर, चाइल्ड सेफ्टी लक, सेन्ट्रल लकिङ, हेडल्याम्प बिम एड्जस्टर, कर्नरिङ लाईट जस्ता फिचर रहेका छन् । यसको इन्टेरियर भने किनै आर्कषक रहेको छ ।

मनोरञ्जनको लागि इन्फोटेन्टमेन्ट सिस्टम, एयरकन्डिसन, हिटर, फ्रन्ट आर्मरेष्ट, रियर आर्मरेष्ट, सराउन्ड कुलिङ सिस्टम, स्टेरिङ माउन्टेड अडियो, पार्किङ सेन्सर जस्ता फिचर रहेका छन् । महिन्द्रा मराजोमा नयाँ १.५ लिटर, ४ सिलिन्डर डिजेल इन्जिन छ । यसले १२१ एचपी पावर र ३०० एनएम टर्क प्रदान गर्छ । इन्जिन म्यानुअल ट्रान्समिसनको साथमा उपलब्ध छ ।