पोखरामा बाल्ट्राको दोस्रो शोरुम

काठमाडौं । विभिन्न रेञ्जका ठूला तथा साना होम एप्लाईन्सहरुका नवीन तथा उत्कृष्ट उत्पादनहरु नेपाल उपभोक्ताहरु माझ बिक्री–वितरण गर्दै आएको बाल्ट्रा होम एप्लाइन्सेस्ले पोखरामा शोरुम सञ्चालनमा ल्याएको छ । कान्तिपथ काठमाडौंमा पहिलो शोरुम शुभारम्भ गरेको बाल्ट्राले नयाँबजार पोखरामा बाल्ट्राले दोस्रो शोरुम सञ्चालनमा ल्याएको हो ।

बाल्ट्राका उत्पादनहरुको विभिन्न रेञ्ज रहेको उक्त शोरुमबाट ग्राहकले एउटै छत मुनि बाल्ट्राका सबै उत्पादनहरु खरिद गर्न सक्नेछन । ईलेक्ट्रोनिक तथा घरेलु सामानहरुमा विविध र नवीन उत्पादनहरु उत्पादन गर्दै आएको बाल्ट्रा होम एप्लाइन्सेस्ले विगत १० वर्षदेखि नेपाली उपभोक्ताहरुको मन जित्दै आएको छ । बाल्ट्राले देशका विभिन्न स्थानहरुमा शोरुमहरु खोल्ने लक्ष्य लिएको जनाएको छ ।