काठमाडौं । विश्वकै अग्रणी व्यावसायिक सवारीसाधन (कमर्सियल भेहिकल) ब्रान्डमध्ये एक फोटोन (FOTON) लाई आधुनिक प्रविधि, सुरक्षा, दिगो गतिशीलता तथा वातावरणमैत्री यातायात समाधानमार्फत नेपालको यातायात क्षेत्रको विकासमा उल्लेखनीय योगदान पुर्याएको सम्मानस्वरूप प्रतिष्ठित “कर्पोरेट कमर्सियल भेहिकल अवार्ड २०२६” प्रदान गरिएको छ । उक्त अवार्ड एमएडब्लु वृद्धि कमर्सियल भेहिकल प्रालिका प्रमुख कार्यकारी अधिकृत श्री अनिल कुमार बरालले होटल र्याडिसनमा आयोजित एक कार्यक्रममा ग्रहण गरेका हुन् । यो सम्मानले नेपाली व्यावसायिक सवारीसाधन बजारमा फोटोनको बढ्दो प्रभाव र नेपाललाई स्वच्छ, हरित तथा प्रभावकारी यातायात प्रणालीतर्फ अघि बढाउने कम्पनीको निरन्तर प्रतिबद्धतालाई प्रतिबिम्बित गर्दछ ।
नेपालभर २,००० भन्दा बढी फोटोन सवारीसाधन आपूर्ति भइसकेको छ । यसैसँगै ब्रान्डले नेपालको व्यावसायिक यातायात क्षेत्रमा मजबुत उपस्थिति स्थापित गरेको छ । फोटोनका भरपर्दा ट्रक, भ्यान तथा विद्युतीय (इलेक्ट्रिक) व्यावसायिक सवारीसाधनहरूले व्यावसायिक गतिशीलता सुधार गर्न महत्त्वपूर्ण भूमिका खेलेका छन् भने दिगो यातायात विकासका राष्ट्रिय लक्ष्यहरूलाई पनि सहयोग पुर्याएका छन् ।
‘कर्पोरेट कमर्सियल भेहिकल अवार्ड २०२६’ ले फोटोनको विद्युतीय गतिशीलता (इलेक्ट्रिक मोबिलिटी) प्रवर्द्धन, कार्बन उत्सर्जन न्यूनीकरण, स्वच्छ ऊर्जा प्रयोगलाई प्रोत्साहन तथा नेपालको विकसित हुँदै गएको यातायात पूर्वाधार र आर्थिक वृद्धिलाई सहयोग गर्ने उन्नत व्यावसायिक सवारीसाधन प्रविधि भित्र्याउने नेतृत्वदायी भूमिकालाई मान्यता दिएको छ ।
उक्त उपलब्धिबारे बोल्दै एमएडब्लु वृद्धि कमर्सियल भेहिकल्स प्रालिका प्रमुख कार्यकारी अधिकृत अनिल कुमार बरालले भने, ‘कर्पोरेट कमर्सियल भेहिकल अवार्ड २०२६ प्राप्त गर्न फोटोन ब्रान्ड र एमएडब्लु वृद्धि कमर्सियल भेहिकल्स प्रालिका लागि गौरवको क्षण हो । यस सम्मानले नेपालमा विश्वस्तरीय व्यावसायिक गतिशीलता समाधान उपलब्ध गराउने हाम्रो प्रतिबद्धतालाई अझ बलियो बनाएको छ। हामी भरपर्दा सवारीसाधन, नवीन प्रविधि, मजबुत बिक्रीपछिको सेवा तथा व्यवसाय र देशको आर्थिक प्रगतिलाई सहयोग गर्ने दिगो यातायात समाधान प्रदान गर्न निरन्तर केन्द्रित रहनेछौं ।’
विश्वव्यापी रूपमा फोटोन नवप्रवर्तन, विश्वसनीयता तथा बौद्धिक गतिशीलता (इन्टेलिजेन्ट मोबिलिटी) समाधानका लागि परिचित छ। ब्रान्डले विद्युतीय गतिशीलता, इन्टेलिजेन्ट ड्राइभिङ सिस्टम तथा ऊर्जा–दक्ष यातायात समाधानसहित नयाँ पुस्ताका व्यावसायिक सवारीसाधन प्रविधिमा निरन्तर लगानी गर्दै आएको छ । गुणस्तर, टिकाउपन, प्रदर्शन क्षमता र प्रविधिगत प्रगतिप्रतिको प्रतिबद्धताले फोटोनलाई विश्वभरका व्यवसायहरूको विश्वास दिलाएको छ ।
नेपालमा फोटोनलाई एमएडब्लु वृद्धि कमर्सियल भेहिकल्स प्रालिले आधिकारिक रूपमा प्रतिनिधित्व गर्दै आएको छ । कम्पनीले ग्राहकहरूलाई व्यापक सहयोग सुनिश्चित गर्न देशैभर थ्री–एस (3S) नेटवर्क – सेल्स (बिक्री), सर्भिस (सेवा) र स्पेयर पार्ट्स (पुर्जा) विस्तार गरेको छ । साथै, कम्पनीले नेपालभर २०० भन्दा बढी सीसीएस-२ (CCS2) स्पीड चार्जिङ प्वाइन्टसहितको चार्जिङ नेटवर्क विकास गरेको छ, जसले विद्युतीय सवारी पूर्वाधारलाई थप मजबुत बनाउँदै ग्राहकहरूलाई सहज चार्जिङ सुविधा प्रदान गर्दछ ।
यस मजबुत सहयोग नेटवर्कमार्फत ग्राहकहरूले सवारीसाधन उपलब्धता, सक्कली पुर्जाहरू (जेन्युइन स्पेयर पार्ट्स), व्यावसायिक बिक्रीपछिको सेवा तथा भरपर्दो चार्जिङ समाधान देशैभर प्राप्त गर्न सक्छन् । यो अवार्डले फोटोनको नेपालको व्यावसायिक यातायात उद्योगलाई भरपर्दो प्रदर्शन, नवीन प्रविधि, दिगो गतिशीलता समाधान तथा नेपाली व्यवसायहरूको आवश्यकताअनुरूप विश्वस्तरीय उत्पादनमार्फत सहयोग गर्ने प्रतिबद्धतालाई अझ सुदृढ बनाएको छ ।
प्रतिक्रिया