पर्यटन बोर्डको २ अर्ब बजेट स्वीकृत

काठमाडौं । नेपाल पर्यटन बोर्डको सञ्‍चालक समितिले चालू आर्थिक वर्ष २०८०/८१ का लागि दुई अर्ब एक करोड २३ लाख ४५ हजार रुपैयाँ बराबरको बजेट स्वीकृत गरेको छ ।

प्रमुख कार्यकारी अधिकृत (सीईओ) धनञ्जय रेग्मीले विदेशमाा जनसम्पर्क एजेन्ट राख्न गरेको २० करोड रुपैयाँ बजेट प्रस्ताव भने समितिले अस्वीकृत गरेको छ ।

विभिन्न विवादबीच बोर्ड सञ्चालक समितिले दुई महिना ढिला गरी बजेट स्वीकृत गरेको हो । स्वीकृत बजेट पर्यटन प्रवर्द्धनमा केन्द्रित रहेको बोर्डका अधिकारीहरूले दाबी गरेका छन्‌ ।

बोर्डले स्वीकृत बजेटबाट विभिन्न पर्यटन पूर्वाधार निर्माण, मेला-महोत्सव, पर्यटन प्रवर्द्धन गतिविधि लगायतका योजना अघि बढाउने जनाएको छ ।