एक महिने साबुन पानीले हातधुने अभियान

दैलेख । जिल्लामा कोरोना भाइरस (कोभिड–१९) संक्रमितको संख्या बढ्दो छ । पछिल्लोसमय आमसर्वसाधरणसँगै जनप्रतिनीधि, कर्मचारी, सुरक्षाकर्मी, स्वास्थ्यकर्मीहरुमा संक्रमण पुष्टि हुने क्रम उच्च छ । स्वास्थ्य सेवा कार्यालय दैलेखका अनुसार बुधबारसम्म दैलेखमा १ हजार १ सय ७९ जनामा कोरोना संक्रमण पुष्टि भइसकेको छ । ती मध्ये १ हजार १ सय १४ जना निको भइसकेका छन् । हाल जिल्लामा सक्रिय संक्रमितको संख्या ६५ जना रहेको स्वास्थ्य कार्यालयको तथ्यांक छ । कोरोना संक्रमणबाट बच्न मास्कको सावधानीपूर्वक प्रयोग गर्न, साबुनपानीले नियमित रूपमा हात धुन, सेनीटाइजर प्रयोग गर्न, भिडभाडमा नजान, अनावश्यक रूपमा घर बाहिर जनसम्पर्कमा नजान सरकारले आग्रह गरिरहेको छ । यद्यपि आमसर्वसाधरणहरू भने हेलचेत्र्mयाइँ गरिरहेका छन् ।

यस्तो अवस्थामा साबुन पानीले हातधुने एकमहिने अभियान सञ्चालन गरिएको छ । ‘हातको सरसफाई सबैको लागि, साबुन पानी हात सधै साथ साथ, सफा र स्वच्छ हात कोरोना बिरुद्ध सवैको साथ’ भन्ने नारासहित साबुन पानीले हात धुने अभियान सञ्चालन गरिएको हो । कोरियन रेडक्रसको सहयोग, नेपाल रेडक्रस सोसाइटी केन्द्रीय कार्यालयको समन्वय र नेपाल रेडक्रस सोसाइटी जिल्ला शाखा दैलेखद्वारा सञ्चालित समावेशी खानेपानी, सरसफाई तथा स्वच्छता प्रबद्र्धन परियोजनाले नौमुले गाउँपालिका–३ द्वारीमा अभियान सञ्चालन गरेको हो ।

नौमूले गाउँपालिकाको सहकार्यमा साबुन पानीले हातधुने अभियान सञ्चालन भइरहेको बताइएको छ । उत्प्रेरक एवं फिल्ड सुपरभाइजरहरुको सहजीकरणमा साबुन पानीले हातधुने अभियान सञचालन भइरहेको छ । हालसम्म द्वारीका नौ वटै बस्तिका २३ टोलहरूमा कार्यक्रम आयोजना गरिएको छ । आजको लागि मात्र नभई सधैको लागि पनि व्यक्तिगत सरसफाइ, व्यक्तिगत दुरी कायम गर्ने, स्वास्थ्यबर्धक खानपान, भिडभाडमा नजाने आदि मात्र कोरोना संक्रमणबाट बच्ने उपाए हुने भएकाले पनि अभियानलाई तीव्रता दिइएको कार्यक्रम संयोजक हिरासिंह विश्वकर्माले बताए ।

२०७६ असोज १३ गते नेपाललाई खुलादिसामुक्त राष्ट्र घोषणा गरिएको थियो । खुलादिसामुक्त पछिको अवस्था भनेको सरसफाइ र व्यक्तिगत स्वच्छता प्रबद्र्धन गर्नु हो । यसका साथै प्रत्येक वर्ष अक्टोबर १५ लाई विश्वभरी नै विश्व हातधुने दिवसका रूपमा सरसफाइ र स्वच्छतासम्बन्धि सचेतनामूलक गतिविधिमार्पmत चेतना अभिवृद्धि गर्दै आइरहेको छ । यसै सन्दर्भमा नेपाल सरकारले यहि १३ असोजदेखि १४ कात्तिकसम्मको अवधिलाई ‘साबुन पानीले हातधुने एक महिने अभियान’ घोषणा गरेको थियो ।