खोजखबर

नवलपुर दुर्घटनामा दुईको मृत्यु

सौर्य अनलाइन २०७५ माघ २९ गते १९:२९ मा प्रकाशित

कावासोती । पूर्व–पश्चिम राजमार्गअन्तर्गत नवलपुरको कावासोतीमा सवारी दुर्घटना हुँदा दुईको मृत्यु भएको छ ।कावासोती–१६, डण्डामा दूध बोक्ने ट्याङ्करले मोटरसाइकललाई ठक्कर दिँदा दुई जनाको मृत्यु भएको जिल्ला प्रहरी कार्यालयका प्रहरी नायब उपरीक्षक लीलाराज लामिछानेले जानकारी दिए ।

बा ३ ख ९१५८ नंको ट्याङ्करले लु २८ प २०३१ नंको मोटरसाइकललाई ठक्कर दिँदा मोटरसाइकलमा सवार नवलपुरको मध्यबिन्दु नगरपालिका–२ बस्ने मोटरसाइकल चालक ४२ वर्षीय युवराज घिमिरे र सोही ठाउँ बस्ने ३६ वर्षीय पीताम्बर पाठकको मृत्यु भएको हो ।

ट्याङ्करको ठक्करबाट गम्भीर घाइते भएका दुवै जनाको उपचारका क्रममा मध्यबिन्दु सामुदायिक अस्पताल डण्डामा मृत्यु भएको प्रहरी नायब उपरीक्षक लामिछानेले जानकारी दिए ।

प्रतिक्रिया

पछिल्ला अपडेट्स

लोकप्रिय