म पहिलोपल्ट महिनावारी हुँदा
आमाको धोती पहिलोपल्ट
टुक्राटुक्रा भइ पहिलोपल्ट
टालाे भएको थियोे ।
हो म पहिलोपल्ट महिनावारी हुँदा
शरीरमा अनौठो खालको डर पैदा भयेको थियो
रातो रगत शरीरबाट निस्कदा पहिलोपल्ट मेरो आगन परदेश भयेको थियो ।
म पहिलोपल्ट महिनावारी हुँदा
सधैं लूटुपुटु गर्ने बुवा हजुरबुवाको काख
पहिलोपल्ट नै अन्जान भएको थियो ।
आमाले खाना पकाउदा
लुसुक्क छिरेर तरकारी चाख्ने भान्छा
पहिलोपल्ट म महिनावारी भएर छिर्दा अपवित्र भयेको थियो ।
बिहानीको उँजेली संगै घरको मन्दिरमा छिर्ने म पहिलोपल्ट तिनै देविहरुलाइ
छुन हुन्न भनी मलाइ अपवित्र घोषित गरिएको थियोे ।
पहिलोपल्ट महिनावारी हुँदा छोएको वस्तु सुनपानीले चोख्याएर पवित्र बनाइएको थियो
तर
मलाई पहिलोपल्ट महिनावारी हुँदा
सात सात दिन सम्म अपवित्र बनाइएको थियो ।
प्रतिक्रिया