पर्सा । संघीय मामिला तथा सामान्य प्रशासन मन्त्री राजकुमार गुप्ताले पर्साको सखुवाप्रसौनी गाउँपालिका–५ र पटेर्वासुगौली गाउँपालिका– १ मा सडकको शिलान्यास गरेका छन् ।
मधेस प्रदेश सरकारको ९० लाखको बजेटबाट सखुवा प्रसौनी गाउँपालिका र पटेर्वा सुगौली गाउँपालिकामा निर्माण हुने सडक ढलानको शिलन्याससँगै मन्त्री गुप्ताले पटेर्वासुगौली गाउँपालिका– ४ मा निर्माण हुने खेलकुद मैदानको पनि आज एक कार्यक्रमका बीच शिलान्यास गरेका हुन् ।
सो अवसरमा बोल्दै मन्त्री गुप्ताले सरकारले तराई मधेशका आदिवासी, जनजाती, मधेशी र सिमान्तकृत समुदायको चौतर्फि विकासका लागि तराई मधेस समृद्धि कार्यक्रमअन्तर्गत विकासको लहर सिर्जना गरेको बताए । साथै सो कार्यक्रम आफ्नो मन्त्रालय मार्फत सञ्चालन भइरहेको जानकारी दिँदै उनले भूमीहिन र विपन्न बर्गका समुदायको जीवनस्तर उकास्न र तराई मधेशको समृद्धिका लागि सरकार लागि परेको बताए ।
मन्त्री गुप्ताले तराई मधेश सम्मृद्धी कार्यक्रम मधेशका विभिन्न जिल्लामा सञ्चालन भइरहेको जानकारी दिँदै सो कार्यक्रम मार्फत सडक, विद्यालय, स्वास्थ्यचौकी, पुल कल्भर्ट, समुम्बासी सामुहिक आवास, विभिन्न जातजातीको संस्कृति संरक्षणका लागि सामुदायीक भवनलगायतका संरचनाहरु निर्माण हुने बताए ।
तराई मधेसमा सिमा पारिको छिमेकीभन्दा बढी वारी नेपालमा विकासको आफ्नो चाहना रहेको बताउँदै उनले त्यसका लागि आफू निरन्तर लागि परेको बताए । मन्त्रि परिषदमा मधेशका विभिन्न क्षेत्रलाई आधोगीक क्षेत्रका रुपम विकास गर्ने योजना चलिरहेकाले उक्त योजना सफल पार्न लागिपरेको बताए ।
नेकपा एमालेका केन्द्रीय सदस्यसमेत रहेका मन्त्री गुप्ताले सबैले आ–आफ्नो जिम्मेवारी बुझेर काम गर्ने हो भने समृद्धी आउन समय नलाग्ने बताउँदै सबैले जिम्मेवारी बोध गर्नुपर्नेमा जोड दिए । एक अर्को प्रसंगमा मन्त्री गुप्ताले रात दिन काम चलिरहेको जानकारी दिँदै सबै तहमा कर्मचारी व्यवस्थापन भइसक्ने दाबी गरे ।
पर्सा
प्रतिक्रिया