इन्डोनेसियामा बाढी–पहिरोमा मृत्यु हुनेको संख्या ५५ जना पुग्यो

जाकार्ता । इन्डोनेसियामा आएको बाढी र पहिरोमा परी मृत्यु हुनेको संख्या ५५ जना पुगेको त्यहाँको प्रशासनले जनाएको छ । सोमबार बिहान इन्डोनेसियाको विपद व्यवस्थापन निकायका प्रवक्ताले देशको पूर्वी क्षेत्रस्थित नुसा टेंगरा प्रान्तमा भीषण वर्षापछि आएको बाढी र पहिरोका कारण मृत्यु हुनेको संख्या ५५ जना पुगेको पुष्टि गरे ।

यहाँ आइतबार प्राकृतिक बाढी र प्रकोपको घटना भएको बताइएको छ । बाढी पहिरोका कारण दर्जनौं घरसहित भौतिक संरचनामा क्षति पुगेको प्रारम्भिक विवरणहरूमा जनाइएको छ । त्यस्तै, बाढी र पहिरोमा परी केही व्यक्ति बेपत्ता पनि भएका छन् ।