साउदीका नरेश अमेरिका जाने

वासिंगटन २३ भदौ । साउदी अरेबियाका नरेश सल्मान अमेरिकाको औपचारिक भ्रमणमा जाने कार्यक्रम रहेको समाचार छ । सो कुराको जानकारी अमेरिकी राष्ट्रपतिको कार्यालय ह्वाइट हाउसले दिएको छ ।साउदी अरेबियाका नरेश सल्मान आगामी वर्ष सन् २०१८ को सुरुमै अमेरिकाको औपचारिक भ्रमणमा आउन लागेका अमेरिकी राष्ट्रपतिको कार्यालय ह्वाइट हाउसले बिहीबार जानकारी दिएको समाचारमा जनाइएको छ ।उनी अमेरिकी राष्ट्रपति डोनाल्ड ट्रम्पसँग वार्ताका लागि अमेरिका जान लागेको समाचारमा जनाइएको छ । राष्ट्रपति ट्रम्प र साउदी नरेश सल्मानबीच फोनमा वार्ता भएको थियो । त्यस वार्ताका क्रमम आगामी सो भेटमा द्विपक्षीय हितको प्रवद्र्धनका लागि के कसरी रणनीति बनाएर अघि बढ्ने भन्ने बारेमा कुराकानी भएको थियो ।

उनीहरूबीच मध्यपूर्वमा सुरक्षा र सम्बृद्धिबारे के कसरी द्विपक्षीय रूपमा लाभान्वित हुने भन्ने बारेमा कुराकानी भएको ह्वाइट हाउसद्वरा जारी गरिएको विज्ञप्तिमा जनाइएको छ ।सो विज्ञप्तिमा उल्लेख गरिएको छ, ‘दुवै नेताहरू यस विषयमा सहमत हुनुभयो कि साउदी नरेश सल्मान आगामी सन् २०१८ को सुरुआतमा अमेरिका भ्रमणमा आउनुहुने भएको छ ।’ संयुक्त राज्य अमेरिका हाल कतारसँगको कूटनीतिक संकट समाधानका लागि मार्ग खोजिरहेको जनाएको छ । कतारको उसका छिमेकी मध्यपूर्वी देशसँग पछिल्लो समयमा सम्बन्ध बिग्रिएको छ ।  त्यसको समाधान गर्न अमेरिकाले चासो देखाएको बताइएको छ । यस विषयमा उनीहरूबीचको भेटमा वार्ता हुने जनाइएको छ ।

प्रतिक्रिया