रंग‍-विविध

सागरको ‘ढोकाहरू’ बजारमा

सौर्य अनलाइन २०७२ माघ २८ गते १३:४४ मा प्रकाशित

sagar rai copyकाठमाडौं, २७ माघ । गायक तथा संगीतकार सागर राईले दोस्रो गीत बजारमा ल्याएका छन् ।

‘ढोकाहरू…’ नामक दोस्रो गीत गायक राईले म्युजिक नेपालमार्फत सार्वजनिक गरेका हुन् । उक्त भिडियोमा ढोकाहरू किन बन्द छन् सबै जताततै यहाँ अन्धकार छ किन यहाँ भन्दै गीतमार्फत गरिब, सडकबालबालिकाको आवाजलाई बाहिर ल्याउने प्रयास गरेका छन् । यसअघि गायक राईले ‘छैन कुनै रहर बोलको गीत सार्वजनिक गरेका थिए ।

गायक राईको आफ्नै शब्द तथा स्वर रहेको गीतको संगीत सरोज कोइरालाले भरेका हुन् । म्युजिक भिडियोको निर्माण मध्यस्थ आर्ट स्टेसनले गरेका छन् । सडक जीवन बिताइरहेका रहेकाहरूको कथा व्यथाबारे समाजलाई सचेतना पैmलाउने उद्देश्यले गायक राईले यसका लागि गीत संगीतमार्फत केही प्रयासहरू गरिरहेको बताए । उनको पहिलो गीतभन्दा पनि दोस्रो गीत निकै मार्मिक देखिएको छ । गीतमार्फत गायक राईले मुलुकमा ठुल्ठूला क्रान्ति भए । हजाराँै सहिदले देशका निम्ति प्राण आहुति दिए । तर, कसले के पायो आज के यही हो नयाँ नेपाल यही हो त नयाँ सविंधानको उपलब्धि ? कसले दिने यसको जवाफ कसले भन्दै गीतलाई मार्मिक रूपमा प्रस्तुत गरिएको छ ।

‘छैटाँै गीत निकाल्ने अभियानमा छु । भर्खरै दोस्रो गीत बजारमा ल्याएको छु ।’ गायक राईले भने, छैटौँ गीत निकालिसकेपछि कुनै एक च्यारिटी सो गरेर अनाथ तथा सडकबालबालिका लागि केही गर्ने सोच बनाएको छु ।’

प्रतिक्रिया

पछिल्ला अपडेट्स

लोकप्रिय