काठमाडौं । केही महिनादेखि हङकङमा रहेका नेपाली कांग्रेसका पूर्वसभापति शेरबहादुर देउवा बाथरुममा लडेर घाइते भएका छन् । उनको केही दिनअघि बाथरुममा लडेर देउवाको दायाँ हात भाँचिएको बताइएको छ ।
पूर्वप्रधानमन्त्री समेत रहेका देउवानिकट स्रोतले घटनाको पुष्टि गरेको छ । स्रोतका अनुसार देउवा उपचारपछि त्यहाँकै स्थानीय अस्पतालबाट डिस्चार्ज भइसकेका छन् ।
पछिल्लो समय हङकङमा बस्दै आएका देउवा बेलाबेला पत्नी पूर्वपरराष्ट्रमन्त्री डा. आरजु राणा देउवाका साथ हिँड्दै गरेको भिडियो सार्वजनिक हुने गरेको छ ।
उनी ७ चैत २०८२ मा सिंगापुरबाट थप उपचारका लागि भन्दै हङकङ पुगेका थिए । पूर्वसभापति देउवा त्यसअघि १३ फागुनको राति सिंगापुर एयरलाइन्सको उडानबाट सिंगापुर गएका थिए ।
गत भदौ २३ र २४ गते भएको जेनजी आन्दोलनमा देउवा दम्पतीले नै कुटाइ खाएका थिए भने घर पनि जलेर ध्वस्त भएको छ ।
प्रतिक्रिया