खजुरे ब्रो’ अडिसन दिएर छानिएको हो : नीति

काठमाडौँ । अभिनेत्री नीति शाहले फिल्म ‘खजुरे ब्रो’ आफ्ना लागि स्पेसल फिल्म हुने बताएकी छन् । यसै फिल्मबाट अभिनयमा डेब्यु गरेकी नीतिले अभिनय सिलसिलामा अगाडि आफूलाई धेरै डर भएपनि सहकर्मीको साथ र सहयोगले फिल्म सहज तवरबाट पुरा भएको बताइन् ।

आइतबार फिल्मको ट्रेलर सार्वजनिक कार्यक्रममा बोल्दै उनले ‘खजुरे ब्रो’ले आफ्ना लागि चलचित्रको उद्योगको ढोका समेत खोलेको बताइन् । ‘म अभिनेत्री बन्छु भनेपछि धेरै मेकरले कस्तो काम गर्छ भन्ने जस्तो बिभिन्न नकारात्मक सिच्युएसनबाट गुज्रिसकेको थिए’, नीतिले भनिन्, ‘निर्देशक सुरज सुनुवारले यो फिल्ममा अवसर दिनुभयो । जुन म जिन्दगी भर बिर्सनै छैन ।’ उनले फिल्मका लागि अडिसन दिएर आफू छानिएको खुलाइन् ।
‘यो मेरो पहिलो र स्पेसल फिल्म पनि हुनेछ’, उनले थपिन् ‘थियटरबाट खारिएका कलाकारसँग अभिनय गर्न र धेरै कुरो सिक्न पाए ।’ फिल्मबाट सिकेको कुरो सधै काम लाग्ने उनको धारणा थियो ।

२८ वैशाखबाट सार्वजनिक प्रदर्शनमा आउँदैछ । नीतिको अलवा फिल्ममा रेअर राई, महेश त्रिपाठी, नवीन मानन्धर, विनिता थापा, पुस्कर कार्की, प्रकाश भुजेल, मनिष राउत, प्रेम सुब्बा, सुजाता राई, दिप चन्द्र राईलगायतका काकारको अभिनय छ ।