आमिरको ‘मिस्टर परफेक्सनिस्ट’को राज

मुम्बई । यस पटक आमिर खान ‘द ग्रेट इन्डियन कपिल शो’ मा पाहुनाको भूमिकामा देखिने भएका छन् । उनले यस शोमा आफ्नो जीवनका धेरै रहस्य खोल्न लागेका छन् । मानिसहरू आमिरलाई ‘मिस्टर परफेक्सनिस्ट’ भनेर चिन्छन् ।

एएनआई रिपोर्टका अनुसार आमिर खानले दिग्गज अभिनेत्री शबाना आजमीले उनलाई ‘मिस्टर परफेक्सनिस्ट’को ट्याग दिएकी हुन् । आमिर खानले यो घटना त्यतिबेला भएको बताए जब आमिर इन्द्र कुमारको फिल्म ‘दिल’ को सुटिङ गरिरहेका थिए, त्यो फिल्मका क्यामेराम्यान बाबा आजमी थिए ।

एक दिन उनीहरू बाबा आजमीको घरमा फिल्मको बारेमा छलफल गरिरहेका थिए, जब शबाना आजमीले आमिर खानलाई चिया अफर गरिन् । आमिरलाई चिया दिँदै उनले ‘चियामा कति चिनी लिने ?’ भनेर सोधिन् ।

आमिर खानले शबाना आजमीलाई हेरेर सोधे, ’कति ठुलो गिलास छ?’ जब शबाना आजमीले उनलाई कप देखाए, आमिरले पुनः चम्चा कत्रो छ भनेर सोधे । त्यसपछि उनले चियामा एक चम्चा चिनी राख्न भने ।

त्यसपछि शबाना आजमीले यस घटनाको बारेमा मानिसहरूलाई बताउँदै भनिन्, ‘यदि तपाईंले कहिल्यै आमिर खानलाई चियामा चिनीको बारेमा सोध्नुभयो भने, उसले सबैभन्दा पहिले तपाईंलाई कपको साइज सोध्नेछ भनेर ।’ यसरी उनले ट्याग पाए, ’मिस्टर परफेक्सनिस्ट’।

आमिर खान हालै रिलिज भएको फिल्म ‘लपता लेडीज’का निर्माता हुन् । आमिरले अन्तिम पटक फिल्म ‘लाल सिंह चंङ्का’ मा अभिनय गरेका थिए ।

अहिले उनी तीनवटा फिल्ममा काम गरिरहेका छन् । जहाँ उनले सन्नी देओल स्टारर ‘लाहोर १९४७’ र उनका छोरा जुनैदको डेब्यू रोमान्टिक फिल्म ‘एक दिन’ निर्माण गर्दैछन् । अभिनेताको रूपमा उनको अर्को फिल्म ‘सितारा जमीन पर’ हो ।