बिहान ११ बजे बस्ने भनिएको प्रतिनिधिसभा बैठक दिउँसाे १ः३० बजे बस्ने

काठमाडौं । आज बिहान ११ बजेको लागि निर्धारित भएको प्रतिनिधिसभा बैठक अर्को सूचना जारी गरी दिउँसो १ः३० बजे बस्ने भएको छ । उक्त बैठक साढे दुई घन्टापछि बस्ने गरी सूचना जारी गरिएको हो ।

संघीय संसद्का महासचिवद्वारा जारी सूचनामा ११ बजे बोलाइएको सभाको बैठक विशेष कारणवश उक्त समयमा बस्न नसक्ने भएकाले प्रतिनिधिसभा नियमावली २०७९ को नियम ६ को उपनियम (२) को प्रतिबन्धात्मक वाक्यांशबमोजिम सभामुखले आजै दिनको १ः३० बजे बैठक बस्ने गरी निर्धारण गरेको जनाइएको छ ।

आर्थिक वर्ष २०८०–८१ को राजस्व र व्ययको वार्षिक अनुमान (बजेट) माथिको सामान्य छलफल जारी रहने कार्यसूची रहेको बैठक सत्ता र प्रतिपक्षी दलबीचको असमझ्दारीका कारण सुरु हुन नसकेको हो । आजका लागि निर्धारित राष्ट्रियसभाको बैठक भने सूचना टाँसेर स्थगित भइसकेको छ ।