भारत र पाकिस्तानको युद्ध : इन्डिगो एयरलाइन्सले गर्यो धेरै शहरमा उडानहरू रद्द, कुन शहरहरू समावेश छन् ?

काठमाडौं । भारत र पाकिस्तानको युद्धको बीचमा इन्डिगो एयरलाइन्सले १० वटा शहरहरूमा उडानहरू रद्द गरेको छ । इन्डिगोले ‘एक्स’ को एक पोष्टमा भनेको छ कि तपाईंको सुरक्षा सर्वोपरि छ ।

विमानस्थलमा सुरक्षा व्यवस्था बढाइएको कारण यात्रुहरूले सुरक्षा जाँच र अन्य औपचारिकताका लागि सामान्यभन्दा बढी समय लिनुपर्ने हुन सक्ने वायुसेवा कम्पनीहरूले बताएका छन् ।

हालको अवस्थाका कारण, १० मे २०२५ राति २३ः५९ बजेसम्म १० शहरहरूमा उडानहरू रद्द गरिएको छ । इन्डिगोले उडानहरू रद्द गर्ने र जाने विमानस्थलहरूमा श्रीनगर, जम्मू, अमृतसर, लेह, चण्डीगढ, धर्मशाला, बीकानेर, जोधपुर, किशनगढ र राजकोट समावेश छन् ।