खुरखुरेमा आशा लघुवित्तको सीपमूलक तालिम

काठमाडौं । आशा लघुवित्त वित्तीय संस्थाले ३ दिने सीपमूलक तालिम सञ्चालन गरेको छ । वित्तीय संस्थाले शाखा कार्यालय खुरखुरे चितवनमा आबद्ध सदस्यहरू मध्ये ६४ जना महिला सदस्यहरूलाई निःशुल्क रूपमा लुगा धुने साबुन तथा सर्फ बनाउने तालिम प्रदान गरेको हो ।

तालिम कार्यक्रमलाई उद्घाटन गर्दै राप्ती नगरपालिका ८ का अध्यक्ष बुद्धिराज थपलियाले यस्तो किसिमको कार्यक्रमले महिलाहरूलाई उद्यमशिल बन्न थप सहयोग पुग्ने बताए । वित्तीय संस्थामा कार्यरत कल्याणी खरेलले प्रशिक्षण दिएको उक्त तालिममा सहभागीहरूले कम लागतमा लुगा धुने साबुन तथा सर्फ बनाउने तरिका, बजारीकरणलगायत सम्बन्धमा जानकारी दिइएको थियो ।