बैंकर्स क्लब वालिङको अध्यक्षमा कुवँर

स्याङजा । वालिङमा ‘बैंकर्स क्लव वालिङ’ को गठन गरिएको छ । कैलाश विकाश बैकको शाखा प्रबन्धक मोतीलाल कुंवरको अध्यक्षतामा ७ सदस्यीय कार्यसमिति गठन गरिएको हो । नगरभित्र रहेका विभिन्न वित्तीय संस्थामा कार्यरत कर्मचारीहरूको पेशागत हक तथा ग्राहकबर्गमा बित्तीय ज्ञान बढाउने उदेश्यले क्लबको स्थापना गरिएको हो । वालिङ नगरपालिकाका नगरप्रमुख दिलीप प्रताप खाँणको विशेष उपस्थितिमा क्लबको गठन गरिएको हो ।

नवगठित क्लवको उपाध्यक्षमा कृषि विकास बैंकका विश्वराज मरासिनी, कोषाध्यक्षमा गण्डकी विकास बैंकका चक्रपाणि बस्याल , सचिवमा गरिमा विकास बैंकका बासुदेव पौडेल तथा सदस्यहरूमा ज्योति विकास बैंकका कृष्ण प्रसाद काफ्ले , जनता बैकका रामबहादुर क्षेत्री र पोखरा फाईनान्सका रमेश प्र। पौडेल रहेका छन् ।