लाङटाङ क्षेत्रमा अस्थायी बासस्थान बनाउन सुरु

रसुवा, २७ असोज । विस्थापितपछि आफ्नो थातथलोमा फर्केका लाङटाङ क्षेत्रका बासिन्दा अहिले अस्थायी बासस्थान बनाउन जुटेका छन् ।

लाङटाङका समाजसेवी ङेरूप तामाङका अनुसार भूकम्पपछि क्यान्जेनमा केन्द्रित गाउँलेहरू सिन्धुप, थांसाप, घोडातवेला र रिम्चे क्षेत्रमा छरिएर तत्कालको बासस्थान मिलाउन जुटेका छन् ।

क्यान्जेनमा हिउँ पर्ने समय नजिकिदै गएकाले ११६ घरपरिवारले भूकम्पविद्को सिफारिसमा सुरक्षित क्षेत्र खोज्दै बासस्थान तयार गर्न जुटेका हुन् ।

ढुंगा र काठबाट अस्थायी टहरा बनाउने काम सम्पन्न भएकाले छाना छाउने जस्तापाता ढुवानी गर्ने क्रम अघि बढेको बताउँदै समाजसेवी तामाङले जस्तापाता हवाई मार्गबाट शुक्रबार लाङटाङ पु¥याउने लक्ष्यका साथ धुन्चेको हवाई मैदानमा जस्तापाता एकत्रित पार्ने कार्य सम्पन्न गरिएको बताए ।