उद्योग वाणिज्य महासंघका अध्यक्ष अञ्जन श्रेष्ठले सम्हाले कार्यभार

काठमाडौं । नेपाल उद्योग वाणिज्य महासंघको नवनिर्वाचित कार्यसमितिले कार्यभार सम्हालेको छ । महासंघको वरिष्ठ उपाध्यक्ष स्वतः अध्यक्ष हुने विधान अनुसार अञ्जन श्रेष्ठ उक्त संस्थाको नेतृत्वमा पुगेका हुन् ।

अध्यक्ष श्रेष्ठसँगै निर्वाचित पदाधिकारीले कार्यभार सम्हालेका हुन् । निजी क्षेत्रको मनोबल बढाउने वातावरण निर्माण गर्न सरकारसँग निरन्तर संवाद र सहकार्य गर्ने पदबहालीपछि अध्यक्ष श्रेष्ठले बताएका छन् ।

अध्यक्ष श्रेष्ठलाई निवर्तमान अध्यक्ष चन्द्रप्रसाद ढकालले महासंघमा आज आयोजित कार्यक्रममा पद हस्तान्तरण गरेका हुन् ।