काठमाडौँ । नेपाल ललितकला प्रज्ञा–प्रतिष्ठान तथा मैथिली विकास कोष, जनकपुरधामको संयुक्त आयोजनामा आइतबारबाट ६ दिवसीय ‘सामा–चकेवा मूर्तिकला निर्माण कार्यशाला’ सुरु भएको छ । कार्यशालाको मधेस प्रदेशका मुख्यमन्त्री सतिशकुमार सिंहले उद्घाटन गरे । उनले यस्ता कार्यक्रमले मधेस प्रदेशका विभिन्न मूर्तिकलाको विकास, संरक्षण, प्रवर्धन गर्ने कार्यमा महत्वपूर्ण भूमिका खेल्ने बताए । साथै परम्परा, संस्कृतिको संरक्षणका लागि प्रदेश सरकारले सदैव सहयोग गर्ने प्रतिबद्धता पनि व्यक्त गरे ।
कार्यक्रमका विशिष्ट अतिथि प्रतिष्ठानका कुलपति नारदमणि हार्तम्छालीले मोफसलको संस्कृतिलाई केन्द्र हुँदै अन्तर्राष्ट्रियकरण गर्दै यसको ज्ञानलाई समाजसँग जोड्नुपर्नेमा जोड दिए । उनले भने, ‘अहिले यता सामाचकेवाको माहोल पनि छ । प्रतिष्ठानले यस प्रदेशको संस्कृतिसँग जोडिएको सामाचकेवा पर्वको ज्ञान नयाँ पुस्तामा पनि पुस्तान्तरण हुन आवश्यक छ ।’
प्रतिष्ठानका मूर्तिकला विभाग प्रमुख दिनेश्वर महतोले परम्परागत लोकसंस्कृतिका रूपमा मधेस प्रदेशमा बनाइँदै आएको सामाचकेवा मूर्तिकलाको प्रवद्र्धनको उद्देश्य राखेर यस कार्यक्रमको आयोजना गरिएको बताए । उनले आगामी दिनमा यस्ता कार्यक्रमको निरन्तरताको आवश्यकता रहेको धारणा राखे ।
कार्यक्रमका सभाध्यक्ष मैथिली विकास कोषका अध्यक्ष जीवनाथ चौधरीले प्रतिष्ठानसँगको सहकार्यमा मधेस प्रदेशको महत्वपूर्ण संस्कृतिका रूपमा रहेको सामाचकेवा मूर्तिकलाको ज्ञानलाई संरक्षण तथा पुस्तान्तरण गर्न यस कार्यशाला आयोजना गरिएको बताए । साथै उनले प्रतिष्ठानसँग यस्ता अन्य कार्यक्रममा पनि सहकार्य गरी अघि बढ्ने धारणा राखे ।
कार्यशालामा प्राज्ञ एससी सुमनले सामाचकेवा पर्वको कला पक्षका बारेमा कार्यपत्र प्रस्तुत गरेका थिए । विजयमणि दत्त, रुवी झा र योगेन्द्र पण्डित प्रशिक्षकका रूपमा रहेको सो कार्यशालामा बन्दाकुमारी झा, रचना रिमाल, विणा राउत (कुर्मी), सुमन सिंह, सोनाली यादव, कञ्चन यादव, पूजा मण्डल, अञ्जु मण्डल, कामिनीकुमारी ठाकुर र गीतादेवी, रुवीदास सहभागी छन् । यसैगरी, विभाकुमारी साह, मञ्जुदेवी, मधुदेवी, हिरादेवी, रिङ्कुकुमारी, ज्योति झा, मिनु झा, नन्दनी यादव, सविताकुमारी, प्रतीक्षा गिरी, पूजा गुप्ता, संगीताकुमारी साह, सुनिता साह, अम्बिका पण्डित, प्रेमशिला देवी, उर्मिला पण्डित, सूर्यकला पण्डित, ललिता पण्डित र चन्द्रदेव पण्डित पनि सहभागी छन् ।
सहभागी अन्यमा विजय मण्डल, रामशरण पण्डित, गंगाधर पण्डित, स्नेहिना रिमाल, रामप्रसाद पण्डित, रामकृषाल पण्डित, स्नेहा मिश्रा, हिरा कर्ण, राजकुमारी मण्डल, सुनिता साह, सचिन झालगायतका कलाकार छन् । कार्यशाला ३० कात्तिकमा सकिनेछ ।
प्रतिक्रिया