सन्तोषको ‘पल्कीअरे सुन्तली’ सार्वजनिक

काठमाडौँ । गायक सन्तोष केसीको तीज गीत ‘पल्लाघरे सुन्तली’ बजारमा आएको छ । गायक केसी र सुष्मा अधिकारीको शब्द रहेको उक्त गीत केसीले नै संगीत भरेका छन् । गायिका देवी घर्ती, शान्तिश्री परियार र गायक केसीकै उक्त गीतमा आवाज रहेको छ ।

देशमा बढ्दै गएको मौलिक लोक संस्कृतिको असर तथा सामाजिक विकृतिका बिषयलाई उठान गरेर कमेडि शैलीमा गीत सार्वजनिक गरिएको गायक केसीले जानकारी दिए । सोही गीतको भिडियोमा प्रकाश भत्ताको निर्देशन रहनुका साथै करण चैसिरको छायांकन रहेको छ ।

त्यसैगरी हाँस्यकलाकार किरण केसी, सुनिता गौतम, बाबुराम बोहोरा, सन्ध्या पौडेल र बिनम रुपाखेतीले अभिनय गरेको उक्त भिडियो बिष्णु शर्माले सम्पादन गरेका छन् ।