बुमराह प्रेममा

नयाँ दिल्ली । भारतीय टिमका तीव्र गतिका बलर जसप्रीत बुमराह अहिले इंग्ल्यान्डमा छन् । इङल्यान्डमा जारी आइसिसी विश्वकप क्रिकेटका उनले उत्कृष्ट बलिङ गरिरहेका छन् भने टिमले पनि शत प्रतिशत नतिजा निकालेको छ । खेलेका दुई खेलमा भारतले दक्षिण अफ्रिका र अस्ट्रेलियालाई पराजित गरिसकेको छ । एक खेल भने वर्षाका कारण हुन सकेन ।

भारतीय क्रिकेटर बुमराहको प्रेम समबन्ध अहिले फेरि बाहिर आएको छ । यसअघि बुमराह र राशी खन्ना सम्बन्धमा रहेको बताइएको थियो । तर, जवाफमा राशीले बुमराह राम्रो क्रिकेट खेलाडी भएको आफूलाई थाहा भएको अन्य कुरा केही पनि थाहा नभएको जवाफ दिएपछि त्यो मामला सेलाएको थियो । तर अहिले बुमराहको नाम दक्षिण भारतीय चलचित्रकी नायिका अनुपमा परमेश्वरनसँग जोडिएको छ ।

भारतीय मिडियाका अनुसार यी दुई डेटमा पनि रहेका छन् । तर अनुपमाले भने आफूहरु राम्रो साथी मात्रै भएको प्रतिक्रिया दिएकी छिन् । अनुपमाले २०१५ मा ’प्रेमम’ चलचित्रबाट डेब्यू गरेकी थिइन् । अहिले उनी असिस्टेन्ट डाइरेक्टरको रूपमा प्रोडक्सन हाउसमा काम गर्दै आएकी छिन् ।