खोजखबर

झापाको २८ विद्यालयमा प्रयोगशाला

सौर्य अनलाइन २०७४ वैशाख २० गते १३:१५ मा प्रकाशित

झापा । झापाका २८ वटा सामुदायिक विद्यालयमा विज्ञान, गणित र अङ्ग्रेजी प्रयोगशाला निर्माण गरिने भएको छ । शिक्षा मन्त्रालयले प्रयोगशाला निर्माणका लागि ४२ लाख प्रदान गरेसँगै झापाका २८ वटा सामुदायिक विद्यालयमा प्रयोगशाला निर्माण गर्न लागेको जिल्ला शिक्षा कार्यालय झापाका सूचना अधिकारी युवराज पाण्डेले जानकारी दिए । पाण्डेका अनुसार प्रत्येक विद्यालयलाई एक लाख ५० हजारका दरले प्रयोगशाला निर्माणका लागि रकम प्रदान गरिनेछ ।
जिल्लास्तरीय प्राविधिक समितिका संयोजक उद्धव बिष्टको अध्यक्षतामा बसेको बैठकले जिल्लाका २८ वटा विद्यालयलाई प्रयोगशाला निर्माणका लागि छनोट गरेको र रकम प्रदान गर्ने तयारी भइरहेको बताइएको छ । विद्यालयमा प्रयोगशाला निर्माण भएसँगै विज्ञान, गणित र अङ्ग्रेजी विषय पढ्ने विद्यार्थीका लागि सहज हुने बताइएको छ ।
झापाका खजुरगाछी मावि, खजुरगाछी, शान्ति आदर्श मावि शान्तिनगर, आदर्श मावि बुधबारे, भानु मावि शिवसताक्षी, बालकल्याण मावि मेचीनगर, सरस्वती मावि बाहुनडाँगी, सरस्वती मावि सुरुङ्गा, मोति मावि गौरादह, पथरिया मावि पथरिया, भानु मावि अर्जुनधारा, वीरअमरसिंह मावि चारपाने, पञ्चरत्न मावि जलथल, प्रगति मावि जुरोपानी, सहिद दशरथ चन्द्र मावि चारआली, वर्ने मावि शान्तिनगर, भृकुटी मावि कनकाई, वाणी मावि लखनपुर, ज्योति मावि तोपगाछी र जनता मावि बाहुनडाँगीलाई रकम प्रदान गरिने भएको छ ।
त्यस्तै, अर्जुनधारा संस्कृत मावि अर्जुनधारा, भगवती मावि शिवसताक्षी, नरेन्द्र जनता मावि तोपगाछी, त्रिभुवन मावि बुधबारे, मोहनमाया मावि बिर्तामोड, भानु मावि धरमपुर, फूलबारी मावि चकचकी, पञ्चरत्न मावि चारपाने र अरनिको मावि भद्रपुरलाई पनि रकम प्रदान गरिने भएको छ ।
सबै विद्यालयमा यसै शैक्षिकसत्रभित्र सुविधासम्पन्न विज्ञान, गणित र अङ्ग्रेजी प्रयोगशाला निर्माण गरिसक्ने जिल्ला शिक्षा अधिकारी योगेन्द्रप्रसाद बरालले बताए ।

प्रतिक्रिया

पछिल्ला अपडेट्स

लोकप्रिय