खोजखबर

प्राधिकरणका कम्प्युटर अझै कब्जामै

सौर्य अनलाइन २०७० वैशाख ४ गते २३:३५ मा प्रकाशित

काठमाडौं, ५ वैशाख । नेकपा–माओवादीनिकट नेपाल विद्युत् प्राधिकरण राष्ट्रिय कर्मचारी संगठनका कर्मचारीले कब्जा गरेका प्राधिकरणका तीन गोप्य कम्प्युटर अझै फिर्ता भएका छैनन् ।

मंगलबार दिउँसो कर्मचारी सरुवाको विषयलाई लिएर छापामार शैलीमा कब्जा गरिएका कम्प्युटर कर्मचारी संगठनले आºनो कार्यालयमा राखेको छ । ती कम्प्युटरमा प्राधिकरणका सम्पूर्ण कर्मचारीहरूको अभिलेख रहेको छ ।
प्राधिकरण व्यवस्थापनले कार्यालयभित्रबाट लुटेर लगेका कम्प्युटर खोजतलास गरी सुरक्षित राख्न तथा लुटपाटमा संलग्नहरूमाथि कारबाही गर्न मंगलबार नै जिल्ला प्रशासन कार्यालय काठमाडांैमा निवेदन दिए पनि प्रहरीले कुनै वास्ता गरेको छैन ।
बुधबारसम्म पनि कम्प्युटर फिर्ता ल्याउन नसकेको प्राधिकरणले जनाएको छ । कार्यकारी निर्देशक रामेश्वर यादवले आफूहरूले प्रशासनलाई निवेदन दिएको र कम्प्युटर अझै पाउन नसकेको बताए । बुधबार दिउँसो प्रहरी प्राधिकरणको केन्द्रीय कार्यालय पुगे पनि कम्प्युटरको खोजतलास नगरेको उनले बताए । ‘अति गोप्य’ र महत्त्वपूर्ण कम्प्युटर लुटिएकाले प्राधिकरणलाई समस्या परेको यादवले बताए ।
कम्प्युटर नियन्त्रणमा लिने संगठनका अध्यक्ष सीताराम थापाले भने आफूहरू दिनभर प्राधिकरणभित्रैको कार्यालयमा बसेको र समस्या समाधानका लागि कार्यकारी निर्देशकले कुनै वास्ता नगरेको बताए । ‘प्राधिकरणले यसबारे वार्तामा बोलाएको छैन, २४ घन्टाभित्र समस्या समाधान नगरे हामी नेपाल राष्ट्रिय कर्मचारी महासंघ आबद्ध सबै कर्मचारी आन्दोलनमा उत्रन्छौँ,’ उनले भने ।

प्रतिक्रिया

पछिल्ला अपडेट्स

लोकप्रिय