सिराहामा पटाका नष्ट

सिराहा, ३० कात्तिक । सिराहामा प्रहरीले बजारमा लुकाई छिपाई बिक्रीका लागि राखिएका पटाका नियन्त्रणमा लिएर प्रहरीले नष्ट गरेको छ ।
वडा प्रहरी कार्यालय लहान बुधबार राति छापा मारेर विभिन्न स्थानमा लुकाई छिपाई बिक्रीका लागि राखिएको करिब ५० हजार मूल्य बराबरको पटाका बरामद गरेको जनाएको छ । रकेट, फूलझरी, सुतली पटाका, सानो रकेट, कोब्रा पटाका लगायतका बिष्फोटक पदार्थ आज विहान नष्ट गरेको प्रहरी भनाई छ ।
वडा प्रहरी कार्यालय लहानका प्रहरी निरीक्षक ढकेन्द्र खतिवडाले लहान ७ का विकास शर्माले आफ्नो घरमा लुकाएर बिक्रीका लागि राखेका पटाका विशेष सूचनाको आधारमा जफत गरिएको जानकारी दिए ।
प्रहरी निरीक्षक खतिवडाले अवैध सामग्री बिक्री गर्ने शर्मा भने फरार रहेको र उनको खोजी भईरहेको उल्लेख गरे । सौर्य