चार वर्षीया बालिकाको मृत्यु

कञ्चनपुर, २६ कात्तिक । कञ्चनपुरको भीमदत्त नगरपालिका–२ की चार वर्षीया बालिकाको आज गोरु गाडाले किचेर मृत्यु भएको छ ।
घर नजिकैको सडकमा खेल्दै गरेका बेला धान लिएर आउँदै गरेको गोरु गाडाले किचेर शेरबहादुर शाहकी छोरी शान्ति शाहको मृत्यु भएको वडा प्रहरी कार्यालय महेन्द्रनगरका प्रहरी निरीक्षक बलराम विष्टले बताए ।
गोरु गाडा चालक स्थानीय गणेशसिं साउदलाई प्रहरीले नियन्त्रणमा लिएको छ ।