छोरा र पत्नीको हत्या

बाग्लुङ, २० कात्तिक । घरासयी विवादमा बाग्लुङ जिल्लाको बुङगा दोभान–४ मा बाबुले छोराको हत्या गरेका छन् ।
आइतबार राति सामान्य विवादले उग्ररुप लिए पछि बुङगा दोभान–४, बेशिखेत बस्ने ५३ बर्षीय गंगाबहादुर घर्तीले १६ वर्षीय छोरा कुलबहादुर घर्तीको हत्या गरेका हुन् ।
उनले कुटपिट गरेर कुलबहादुरको हत्या गरेको प्रहरीले जनाएको छ । गंगाबहादुरलाई प्रहरीले नियन्त्रमा लिएको छ ।
उता, ललितपुरमा पत्नीको हत्या गरेर भागेका गोरे मग्रातीलाई प्रहरीले पक्राउ गरेको छ ।
धापाखेल–५ बस्ने ४८ बर्षीय गोरेले आइतबार विहान ४० बर्षीया श्रीमती कान्छी मग्रातीलाई कुटपिट गरेर हत्या गरेका थिए । पत्नीको हत्या पछि फरार उनलाई प्रहरीले ठूलादुर्लुङ गाविसबाट पक्राउ गरेको जनाएको छ ।