आगलागीबाट लाखौको नोक्सान

संखुवासभा, १३ कात्तिक । संखुवासभाको स्याबुन–८ मा आगलागी हुँदा दुई वटा घर जलेर क्षति भएका छन् ।
स्थानीय भुवानीप्रसाद श्रेष्ठ र रत्नबहादुर श्रेष्ठको घरमा आइतबार अचानक आगलागी हुँदा करिब ९ लाख रुपियाँ बराबरको धनमाल जलेर क्षति भएको प्रहरीले जनाएको छ ।
उता, सप्तरीको ब्रम्हापुर­५ स्थित बिन्देश्वर झाको गोठमा सोमबार विहान साढे एक बजे अचानक आगलागी हुँदा तीन वटा घरगोठ जलेर क्षति भएका छन् ।
आगलागीबाट सुबासचन्द्र झा सहित ३ जनाको घरमा नष्ट भएका छन् । आगलागीबाट करीब ६ लाख रुपियाँ बराबरको धनमाल क्षति भएको छ ।
आगलागीमा परेर २८ बर्षीय सुवासचन्द्र झा सामान्य घाईते भएका छन् ।
यता, झापाको अनारमनी­९ मा रहेको धनिकलाल राजबंशीको कस्मेटिक पसलमा आगलागी भएको छ । आइतबार राति भएको आगलागीबाट करिब ३ लाख रुपियाँ बराबरको धनमाल क्षति भएको छ ।