पूजा गर्न गएका दलित कुटिए

बाजुरा, १३ कात्तिक । सदरमुकाम मार्तडीस्थित बढीमालिका मन्दिरमा पूजा गर्न गएका दलित कुटिएका छन् । बडादसैँको अवसरमा मंगलबार बिहान मालिका माताको पूजा गर्न मन्दिर पुगेका दलितलाई मन्दिर प्रवेश किन गरेको भन्दै गैरदलितले कुटपिट गरेर गम्भीर घाइते बनाएका हुन् ।

कुटपिटबाट मार्तडी–८ का १६ वर्षीया सीता विक, १४ वर्षीया लक्ष्मी विक र बझाङ पणश–५ का २२ वर्षीया दिपक उखेडा घाइते भएका थिए । घाइतेको जिल्ला अस्पताल बाजुरामा उपचार गरिएको हो ।
मन्दिर प्रवेशमा रोक लगाउँदै कुटपिट गरेर प्रवेशमा रोक लगाइएको थियो । मार्तडी–४ का कर्ण रावल, मार्तडी–६ की धनमति थापा र तुला थापा लगायतले उनीहरूलाई कुटपिट गरेका हुन् । उनीहरूलाई जिल्ला प्रहरी कार्यालयले नियन्त्रणमा लिएको छ ।