लागूऔषध खैरोहेरोइन बरामद

पर्सा, ६ कात्तिक । बाराको कलैयाबाट सशस्त्र प्रहरीले लागूऔषध खैरो हेरोइन सहित दुई जना युवकलाई पक्राउ गरेको छ ।
सीमा सुरक्षा कार्यालय बाराबाट सशस्त्र प्रहरी निरीक्षक नवराज काफ्लेको नेतृत्वमा खट्टिएको टोलीले कलैया–५ बाट ३० ग्राम खैरो हेरोइन सहित  बघवन–८ का ३० वर्षीय सुरेन्द्र यादव र २२ वर्षीय पुष्पराज यादवलाई पक्राउ गरेको हो ।
आइतबार बेलुकी पक्राउ परेका दुवै जनालाई सशस्त्र प्रहरीले आज कलैयामा पत्रकार सम्मेलन गरी सार्वजनिक गरेको हो ।
सशस्त्र प्रहरी उपरीक्षक कालीदास ध्वजीले दुवैको साथबाट ना ९ प ८६३० नम्बरको मोटरसाइकल, मोबाइल सेट २ थान र नगद २५ हजार रुपियाँ बरामद भएको जानकारी दिए । पक्राउ परेका दुवैलाई आवश्यक कार्वाहीका लागि जिल्ला प्रहरी कार्यालय बारामा बुझाइएको ध्वजीले बताए । सौर्य