वसको ठक्करबाट यात्रुको मृत्यु

जाजरकोट, ४ कात्तिक । बसको ठक्कबारबाट जाजरकोटमा एक जनाको ज्यान गएको छ । छिन्चु–जाजरकोट सडकखण्डको राकम–खलंगामा सडकमा पर्ने भुरचौरमा ना ३ ख ६५४६ नम्बरको बसले गएराती (शुक्रवार) ठक्कर दिदा भुर–३, जाजरकोटका ३३ वर्षिय हस्त बहादुर खत्रीको ज्यान गएको प्रहरीले जनाएको छ ।
पीसाब गर्न झरेका सोहि बसका यात्रु खत्रीलाई गाडिले ठक्कर दिएको थियो । गाडिको ठक्करबाट घाईते भएका खत्रीलाई उपचारका लागि नेपालगञ्ज मेडिकल कलेज कोहलपुर लगिएकोमा खत्रीको उपचारका अक्रममा आज (शनिवार) बिहान मृत्यु भएको हो ।
ठक्कर दिने बस र चालकलाई नियन्त्रणमा लिई अनुसन्धान शुरु गरिएको जिल्ला प्रहरी कार्यालय जाजरकोटका प्रहरी निरिक्षक दिनेश घिमिरेले जानकारी दिए ।