सीजीको कारखानामा भिषण आगलागी

काठमाडौं, २८ असोज ।  काठमाडौंको सतुङगलस्थित चौधरी ग्रुपको इलोक्ट्रोनिक्सको मुख्य कारखानामा भिषण आगलागी भएको छ ।
बेलुका करिव पौने ६ बजे देखि लागेको आगलागीबाट कारखानामा रहेका सामान जल्दा करोडौंको नोक्सानी भएको प्रहरीले प्रारम्भीक अनुमान गरेको छ ।
चौधरी गु्रपको सो मुख्य कारखानामा सीजी ग्रुपका इलेक्ट्रोनिक्सका सामानहरु रहेका थिए । कारखानाको गोदाममा रहेका केही सामान सुरक्षाकर्मीले बाहिर पनि निकालेका छन् ।

आगलागीबाट बचाउन कारखानाबाट बाहिर निकालिएका सामान स्थानीयले चोरीको प्रयास समेत गरेका छन् । प्रहरीले केहीलाई पक्राउ समेत गरेको बुझिएको छ ।
आगो नियन्त्रण गर्न समस्या भए पछि त्रिभुवन विमानस्थलका दुई वटा अत्याधुनिक दमकल सहित ६ वटा दमकलले आगो नियन्त्रणको प्रयास गरेका छन् ।
नेपाली सेना, नेपाल प्रहरी र सशस्त्र प्रहरी तथा स्थानीयको प्रयासमा आगो नियन्त्रणको प्रयास भई रहेको छ । आगलागीको कारण खुल्न सकेको छैन ।