उत्तमको प्रश्न सुभासको जवाफ

उत्तम के.सी. (कलाकार)

उत्तम     :     अचेल टेलिभिजनमा त्यति देखिनुहुन्न नि ?

सुभास     :     काम त गरिरहेकै छु । पहिलेको तुलनामा मेरो टेलिभिजन सिरियल             कम भएकाले पनि यस्तो भान परेको होला ।
उत्तम     :     तपाईंको चलचित्र अन्तर्राष्ट्रिय क्षेत्रमा मनोनयनमा पर्छ तर तपाईंको             चर्चा छैन नि ?
सुभास     :     त्यो त मैले भन्नुभन्दा पनि अरूले मूल्यांकन गर्ने कुरो हो । नेपाली             चलचित्र मनोनयनमा पर्नु राम्रो हो, सबैका लागि गौरवको विषय हो ।
उत्तम     :     तपाईंको मुहारमा जहिल्यै असन्तुष्टि झल्किरहेको हुन्छ । जीवनमा             कहिल्यै सन्तुष्ट हुनुभएको छैन कि क्या हो ?
सुभास     :     म पातलो मान्छे छु । त्यसैले तपाईंले मेरो अनुहारमा हेरेर त्यस्तो             अनुभूति गर्नुभएको होला । तर, मलाई चाहिँ त्यस्तो केही छैन             जस्तो लाग्छ ।
उत्तम     :    तपाईंको आगामी प्रोजेक्ट के छ ?
सुभास     :     फेरि मौलिक चलचित्र निर्माण गर्ने तयारीमा छु । आगामी जेठको             अन्त्यतिर एक चिहान बनाउँदै छु । यो उपन्यासमा आधारित             चलचित्र हो ।
उत्तम     :     चलचित्र छोडेर राजनीतितिर लाग्दै हुनुहुन्छ रे नि ?
सुभास     :     राजनीतितिर लागेको छैन । म आफ्नै पेसागत संस्था निर्देशक             समाजको चुनावमा उठेको हो । त्यसलाई राजनीति भन्न मिल्दैन ।

सुभास गजुरेल (निर्देशक)