रंग‍-विविध

माण्डवीको प्रश्न वसन्तको उत्तर

सौर्य अनलाइन २०६९ वैशाख २० गते ६:२२ मा प्रकाशित

माण्डवी त्रिपाठी, गायिका

 

माण्डवी    :     नेपाली गीतसंगीतलाई चिनाउन के गर्नुपर्छ ?
वसन्त     :     अन्तर्राष्ट्रिय स्तरमा पहिचान दिन नेपाली मौलिक लोकगीतहरूलाई नै बढाउनुपर्छ । लोकगीतसंगीत मात्र राष्ट्रको पहिचान हो ।
माण्डवी     :     संगीतबाहेक अब तपाईंलाई गर्न मन भएको काम के हो ?
वसन्त     :     गीतसंगीतका अलावा समाजसेवामा पनि रुचि छ । समाजसेवामै केही गर्न पाए हुन्थ्यो जस्तो लागेको छ ।
माण्डवी     :     बुबाआमाको स्थानलाई कसरी हेर्नुहुन्छ ?
वसन्त     :     बुबाआमा भनेको सबै थोक हो हाम्रा लागि । गुरु, साथी, अभिभावक सबै उहाँहरू नै हो । त्यसैले उहाँको स्थानलाई कसै गरी दाँज्न मिल्दैन ।
माण्डवी     :     आफूलाई कसरी मूल्यांकन गर्नुहुन्छ ?
वसन्त     :     म एकदम सरल, छिट्टै नै सबैलाई विश्वास गर्ने व्यक्ति हु । लप्पनछप्पन खालको काम गर्न जान्दिनँ । आफूलाई ‘सिम्पल’ भन्न रुचाउँछु ।
माण्डवी     :     गीतसंगीतमा लागेर के पाउनुभयो ?
वसन्त     :     एउटा परिचय पाएको छु । सबैले मलाई चिनेका छन् । सबैबाट माया पाएको छु, यो सबैभन्दा ठूलो कुरा हो जस्तो लाग्छ ।

वसन्त सापकोटा, संगीतकार

प्रतिक्रिया