भारतमा आम आदमी पार्टीकी नेत्री हिमानी जैनले गरिन् १५ जना पार्षदले पार्टी छाडेको घोषणा

काठमाडौं । भारतमा दिल्लीकी आम आदमी पार्टीकी नेत्री हिमानी जैनले आफूसहित पार्टीका १५ जना पार्षदले नयाँ मोर्चा गठन गर्ने घोषणा गरेको बताएकी छन् ।

हिमानी जैनले समाचार एजेन्सी एएनआईलाई यो जानकारी दिँदै भनिन् कि हाल उनीसँग १५ जना काउन्सिलर छन्, तर आगामी दिनमा यो संख्या बढ्न सक्छ । हिमानीले भनिन्, ‘हामीले आम आदमी पार्टीबाट राजीनामा दिएका छौँ र नयाँ पार्टी इन्द्रप्रस्थ विकास पार्टी नामको नयाँ समूह गठन गरेका छौँ ।’

यसैबीच विकास नगरका नगर पार्षद अशोक पाण्डेले बताए अनुसार उनले पनि पार्टीबाट राजीनामा दिएर नयाँ पार्टीमा सामेल भएका छन् । उनले भने, ‘हामीले अनधिकृत बस्तीहरूमा काम गर्ने कुनै प्रणाली छैन, फोहोर संकलन गर्नेदेखि बत्ती जडान गर्नेसम्म र ढल सफा गर्नेदेखि नाली सफा गर्नेसम्म ।’

‘हामीले आम आदमी पार्टीका वरिष्ठ नेताहरूलाई धेरै पटक पत्र लेखेका छौँ, तर कोष छैन त्यसैले हामीले पार्टी छोडेका छँ, अब धेरै मानिसहरू हामीसँग सामेल हुनेछन् र आवश्यक परेमा हामी सँगै राज्यपालकहाँ जानेछौँ’, उनले भने ।

नयाँ पार्टी गठनको बारेमा जानकारी दिँदै हिमानी जैनले भनिन्, ‘पछिल्लो साढे दुई वर्षमा निगममा गर्नुपर्ने काम भइरहेको थिएन, हामी सत्तामा थियौँ तर पनि काम भइरहेको थिएन किनभने यदि हाम्रो मन लडाइँमा मात्र छ भने हामी दिल्लीका जनताको लागि कसरी काम गर्ने ? ।’

उनले भनिन्, ‘त्यसैले हामीले नयाँ पार्टी गठन गरेका छाैँ, जसको विचारधारा भनेको हामीले दिल्लीका जनताको लागि काम गर्नुपर्छ। हामी दिल्लीको हितमा काम गर्ने पार्टीलाई समर्थन गर्नेछौँ ।’