पोखरा सडक महोत्सवमा नेपालसहित भारत र चीनको सांस्कृतिक प्रस्तुति

काठमाडौँ । रेस्टुरेन्ट एन्ड बार एसोसिएसन (रेबान) पोखराको आयोजनामा अंग्रेजी नयाँ वर्षको अवसरमा २६औँ पोखरा सडक महोत्सव हुने भएको छ । ‘सडकमै खाऔँ, सडकमै रमाऔँ’ भन्ने नाराका साथ यही १३ देखि १७ पुससम्म सडक महोत्सव हुन लागेको हो ।

रेबानका केन्द्रीय अध्यक्ष संघर्र्ष विष्टले रेबानका तर्फबाट हुँदै आएको सडक महोत्सवले आन्तरिक पर्यटन प्रवद्र्धनका साथै विदेशी पर्यटकको बसाईं लम्ब्याउन पनि मद्दत पुग्ने विश्वास व्यक्त गरे ।

‘पोखरा सडक महोत्सवले ‘आन्तरिक पर्यटन’ प्रवद्र्धन गर्दै आएको छ, नेपाल आउने र आइरहेका विदेशी पर्यटकलाई पनि आफ्नो यात्रालाई लम्ब्याएर महोत्सवमा सहभागी हुने गरेको हामीले पाएका छौँ’, अध्यक्ष विष्टले भने, ‘पर्यटनलाई कसरी चलायमान बनाउन सकिन्छ भनेर पोखराका पर्यटन विज्ञहरूले छलफल गरेर सडक महोत्सवको सुरुआत गर्नुभयो, यो एउटा इतिहास बनिसकेको छ ।’

अध्यक्ष विष्टका अनुसार महोत्सवले स्थानीय पर्यटनमा नेपाली उत्पादनलाई प्रोत्साहन र विश्वबजारमा पु¥याउन पनि मद्दत गरेको छ । विभिन्न नेपाली खाना, जातीय वेषभूषा र परम्परागत संस्कृतिको प्रदर्शनले समग्र पर्यटन प्रवद्र्धनमा महत्वपूर्ण योगदान पुगेको छ । नेपालमा सबै सिजनमा वार्षिक कार्यसूची बनाएर सडक महोत्सवलाई बृहत् महोत्सवको रूपमा विकास गरेर पर्यटन प्रवद्र्धनका लागि सक्रिय हुनका लागि सरकार, निजी क्षेत्र एवं सरोकारवाला सहकार्यकासाथ लाग्नुपर्नेमा उनको जोड छ ।

रेबान पोखराका अध्यक्ष विश्वराज पौडेलले सडक महोत्सवले पोखरामा आन्तरिक तथा बाह्य पर्यटकलाई आकर्षण गर्न महत्वपूर्ण योगदान पुग्ने बताए । उनले कला संस्कृति प्रवद्र्धनसँगै स्थानीय सामग्रीलाई बजारीकरण गर्न महोत्सव उपलब्धिपूर्ण बन्दै गएको उल्लेख गरे ।

अध्यक्ष पौडेलका अनुसार महोत्सवमा मुख्य आकर्षणका रूपमा विभिन्न जातजातिका लोपोन्मुख सांस्कृतिक कार्यक्रम, मौलिक वेषभूषा प्रदर्शन, झाँकी प्रदर्शन प्रतियोगिता, राष्ट्रिय तथा अन्तर्राष्ट्रिय खानाको प्रदर्शन, लाइभ कन्सर्ट, खेलकुदतर्फ बोट रेस, वेटर रेस, टग अफ वार, मःम, ससेज खाने प्रतियोगिता रहेका छन् ।

यस वर्ष लमजुङबाट कृष्ण चरित्रका साथै भोजपुरी नृत्य आदि सांस्कृतिक प्रस्तुतिका साथै छिमेकी राष्ट्र भारत र चीनका सांस्कृतिक प्रस्तुतिसमेत रहने जनाइएको छ । ५ दिने महोत्सवमा आन्तरिक र बाह्य गरी करिब ५ लाख पर्यटक आउने आयोजकको अनुमान छ ।
अंग्रेजी नयाँ वर्षकै सन्दर्भमा नेपालमा पहिलोपटक अन्तर्राष्ट्रिय हट एयर बेलुन फेस्टिभल हँुदै छ । बेलुन नेपाल प्रालिको आयोजनामा ९ पुसदेखि पर्यटकीय राजधानी पोखरामा सुरू हुने फेस्टिफलमा २० देशका व्यावसायिक बेलुन कम्पनीको सहभागिता रहने जनाइएको छ ।

उक्त फेस्टिभल सन् २०२५ को पहिलो दिन १ जनवरीसम्म चल्ने छ । महोत्सवमा पामे क्षेत्रको तौरूकदेखि चंखपुरसम्म ३ किलोमिटर क्षेत्रमा हुने आयोजकले जनाएको छ ।