सुनको मूल्य तोलामा २ हजार २ सयले घट्यो

काठमाडौं । स्थानीय बजारमा आज सुनको मूल्य तोलामा रु दुई हजार दुई सयले घटेको छ । नेपाल सुनचाँदी व्यवसायी महासंघका अनुसार बुधबार प्रतितोला रु एक लाख ६२ हजार दुई सयमा कारोबार भएको छापावाला सुन आजका लागि रु एक लाख ६० हजार निर्धारण भएको छ ।

यस्तै, चाँदीको मूल्य तोलामा रु ३५ ले घटेको छ । बुधबार प्रतितोला रु एक हजार ९ सय ४० मा कारोबार भएको चाँदी आजका लागि भने रु एक हजार ९ सय पाँच निर्धारण भएको महासंघले जनाएको छ ।