पेस्तोल र गोलीसहित भारतीय युवक पक्राउ

लमजुङ । पेस्तोलसहित एक भारतीय युवकलाई प्रहरीले पक्राउ गरेको छ । बेसीशहर नगरपालिका–१ उदिपुर क्षेत्रमा हिँडिरहेका भारतको मोतीहारी जिल्लाका २२ वर्षीय दीप कुमारलाई पक्राउ गरिएको जिल्ला प्रहरी कार्यालय लमजुङका प्रमुख डिएसपी कृष्णबहादुर कार्कीले बताए ।

शंकास्पद गतिविधिमा बुधबार हिँडिरहेका बेलामा प्रहरीले पक्राउ गरे पनि बिहीबार साँझ ती युवालाई सार्वजनिक गरिएको हो । उनको साथबाट पेस्तोलसहित एक थान गोली, मोबाइल, सिमकार्ड र निजको आधार कार्डसमेत बरामद गरिएको जिल्ला प्रहरी प्रहरीले जनाएको छ ।

बिहीवार जिल्ला अदालत लमजुङबाट म्याद थप गरी अनुसन्धान भइरहेको प्रहरीले जनाएको छ ।