कालिकोट । जिल्लाको महावै गाउँपालिका– ७ राम्नी कोटवाडा गाउँमा रहेका ३१० घर मध्य २५० घरधुरी पहिरोले बगाएको छ । सबै घरका बासिन्दाहरु नजिकै रहेको राम माध्यमिक विद्यालयमा ओत लागेका छन् ।
राम माध्यमिक विद्यालयको भवन पनि जिर्ण अवस्थामा छ । वर्षासँगै विद्यालयका छानाहरु चुहिने भएका छन् । विद्यालयमा बालवालिका, महिला, किशोर किशोरी, जेष्ठ नागरिकलगायत अन्य मानिसहरु पानीको खालमा बस्नुपरेको छ ।
जिल्ला प्रहरी कार्यालय कालिकोट र रेडक्रस कालिकोटबाट हाल २० वटा पाल र १० वटा कम्बल राहत स्वरुप प्रदान गरिएको छ । राम्नी कोटवाडाबासीले मौषम सफा हुनासाथ सरकार मार्फतको राहत देख्न पाइन्थ्यो कि भनेर प्रतिक्षारत रहेका छन् ।
लगातारको वर्षासँगै आएको पहिरोले राम्नी कोटवाडा गाउँका विष्णुप्रसाद अधिकारीकी १८ वर्षिया छोरी स्मृती अधिकारीले यस पटकको वर्षाले आएको पहिरोमा परी ज्यान गुमाएकी हुन् ।
लगातारको वर्षासँगै कालिकोटका स्थानीय तहमा ठूलो रुपमा क्षति भएको छ । कार्तिक १ गतेबाट परेको लगातारको वर्षासँगै स्थानीय तहको हाटबजार जितेगडामा ठूलो रुपमा धनमालको क्षति भएको छ ।
कर्णाली नदी र तिला नदीको दोभानमा रहेको स्थानीय हाटबजार जितेगडामा टहराहरु नदिले बगाएपछि व्यापारीहरुको ठूलो क्षति भएको छ । धनमालको क्षति भए पनि मानविय क्षति भने जितेबजारमा भएको छैन । कर्णाली करिडोरमा गाडी वारपारका लागि जडान गरिएको फेरि पनी कर्णाली नदीले बगाएको छ ।
यस्तै जिल्लाको रास्कोट नगरपालिका– १ तामाकोटमा मंगल शाहीको घर भत्किँदा मंगलबार बेलुका ५ बजेतिर मानविय रुपमा क्षति नभए पनि धनजनको क्षति भएको छ । वडा नं. १ तामाकोटमा भने ७ घर उच्च जोखिममा रहेका छन् ।
नगरपालिकाद्वारा सतर्कता अपनाउन आग्रह गरिएको छ । सदमुकाम मान्ममा रहेका घरहहरु पनि उच्च जोखिममा रहेका छन् । कर्णाली राजमार्ग अन्र्तगतको सुर्खेत जुम्ला सडक खण्ड ठाउँ ठाउँमा क्षतविच्छेद भएको छ । स्थानीय तहमा खनिएका सडक सञ्जालहरु भने पूर्ण रुपमा क्षति भएका छन् ।
कालिकाेट
प्रतिक्रिया