रंग‍-विविध

जनार्दनलाई लाइफटाइम अचिभमेन्ट

सौर्य अनलाइन २०७८ साउन २० गते ६:४६ मा प्रकाशित

काठमाडौं । ‘इन्क्ड ह्यापिनेस लाइफटाइम अचिभमेन्ट अवार्ड’ कमबम चक्रपाणि (केसी) जनार्दनले प्राप्त गर्न सफल भएका छन् । फाउन्टेन पेन प्रेमीको विश्वव्यापी समूह इन्क्ड ह्यापिनेसले तेस्रो फाउन्टेन पेन प्रेमी जनार्दनलाई जुम प्रविधिबाट आयोजित कार्यक्रममा अवार्ड प्रदान गरेको हो । पूर्वप्रधानमन्त्री सुशील कोइरालाको नाममा खुलेको सुशील कोइराला मेमोरियल फाउन्डेसनको सल्लाहकारसमेत रहेका जनार्दनलाई सोमबार सम्मान गरिएको सदस्यसचिव अतुल कोइरालाले जानकारी दिए । पूर्वप्रधानमन्त्री कोइरालासमेत फाउन्टेन पेन प्रेमी एवं समूहको सदस्यका रूपमा जीवनकालमा क्रियाशील रहेको फाउन्डेसनले जनाएको छ ।

राहदानीमा आफ्नै हस्ताक्षरले लेख्ने, बुबाको मृत्यु प्रमाणपत्र आफ्नै हस्ताक्षरमा बनाउने अद्भुत शक्तिका जनार्दन ३० वर्षदेखि राम्रो लेखनशैली बनाउने विश्वव्यापी अभियानमा लागेका छन् । हस्ताक्षर, क्यालिग्राफी (डिजाइनिङ हस्ताक्षर) लगायत क्षेत्रमा उनले विशिष्ट योगदान गरेकाले अवार्ड दिने निर्णय गरिएको ह्यापिनेसका अध्यक्ष शुभव्रतो गाङ्गुली बताए । गाङ्गुली पनि ३० वर्षदेखि फाउन्टेन पेनको संकलन गरी हस्तलेखन शैली सुधार्ने अभियानमा सक्रिय छन् ।

कार्यक्रममा भारतीय प्रधानमन्त्री नरेन्द्र मोदीका आर्थिक सल्लाहकार एवं फाउन्टेन पेन प्रेमी विवेक देवराय, सुशील कोइराला मेमोरियल फाउन्डेसनका सदस्यसचिव कोइराला, भारतीय मूलका बेलायती सांसद वीरेन्द्र शर्मा, हार्वर्ड विश्वविद्यालयका लेखक एवं वैज्ञानिक डा शोभन रोय लगायतले प्रभावशाली शिक्षा कसरी जनतामा लैजान सकिन्छ भनी राम्रो लेखनशैली चलाइनुपर्नेमा जोड दिए । यो अवार्ड पहिलोपटक युसुफ मन्सुर र दोस्रोपटक सुधीर कल्याणीकरले प्राप्त गरिसकेका छन् । जनार्दन यो अवार्ड पाउने तेस्रो फाउन्टेन पेन प्रेमी हुन् ।

प्रतिक्रिया

पछिल्ला अपडेट्स

लोकप्रिय