अर्थबजार

मेगा बैक एडीवीको साझेदार

सौर्य अनलाइन २०७७ चैत ५ गते २०:१६ मा प्रकाशित

काठमाडौं । मेगा बैंक नेपाल एसियाली विकास बैंक (एडीबी)को साझेदार बैंक बनेको छ । नेपालका ‘क’ वर्गका वाणिज्य बैंकमध्ये मेगा बैंक एसियाली विकास बैंकको आठौँ साझेदार बैंक बनेको हो । दिगो विकास लक्ष्यका अवधारणालाई पालना गर्दै सदस्य राष्ट्रका बैंक तथा वित्तीय संस्थामार्फत साना, मझौला व्यवसाय तथा उत्पादनमूलक उद्योग, व्यवसायलाई प्रवद्र्वन गर्ने उद्देश्यले एसियाली विकास बैंकले अन्तरदेशीय व्यापारका लागि ट्रेड एन्ड सप्लाई चेन फाइनान्स प्रोग्राम ल्याएको छ ।

नेपालका साना तथा मझौला व्यवसाय तथा उत्पादनमूलक क्षेत्रलाई प्रवर्द्धन गर्ने उद्देश्यले नै मेगा बैंक र एडीबीको यो साझेदारी भएको बैंकले जनाएको छ । यो साझेदारीपछि मेगा बैंकमार्फत अन्तर्राष्ट्रिय व्यापार तथा व्यवसाय गर्ने ग्राहकहरुलाई अब कारोबार गर्न सहज हुने जनाइएको छ । सामान आयात तथा निर्यातका लागि प्रतीतपत्र जारी गर्दा एसियाली विकास बैंकले प्रत्याभूतिपत्र (ग्यारेन्टी) दिने काम गर्छ । जसले नेपालको व्यवसाय प्रवर्द्धन गर्न मद्दत मिल्नुका साथै रोजगारी सिर्जनामा पनि पनि सहयोग मिल्ने विश्वास मेगा बैंकको छ ।

प्रतिक्रिया

पछिल्ला अपडेट्स

लोकप्रिय