खोजखबर

आगलागीबाट ३० हेक्टर वनमा क्षति

सौर्य अनलाइन २०७७ चैत ४ गते २०:४३ मा प्रकाशित

बागलुङ । नेपालको एक मात्रै सिकार वनस्थल ढोरपाटन सिकार आरक्षको जंगलमा आगलागी भएको छ । आरक्षको बागलुङ जिल्ला क्षेत्रको बुकी क्षेत्र काङको जंगलमा आगलागी भएको हो । सोमबारदेखि लागेको आगलागी मंगलबार साँझ मात्रै नियन्त्रणमा आएको सिकार आरक्ष कार्यालय बागलुङका प्रमुख संरक्षण अधिकृत वीरेन्द्रप्रसाद कँडेलले जानकारी दिए ।

आरक्षको सुरक्षार्थ खटेको शत्रुमर्दन गुल्मको सेना तथा आरक्षका कर्मचारीले फायर लाइन निर्माण गरी आगलागी नियन्त्रणमा लिएका थिए । आगलागीबाट आरक्षको करिब ३० हेक्टर वनमा क्षति पुगेको छ । समयमै सुरक्षाकर्मी र कर्मचारी खटिएका कारण आगलागी नियन्त्रणमा आउँदा वन्यजन्तुको क्षति हुन नपाएको आरक्षले जनाएको छ ।

प्रतिक्रिया

पछिल्ला अपडेट्स

लोकप्रिय