खोजखबर

‘अदालतको फैसला स्वागत योग्य’

सौर्य अनलाइन २०७७ फागुन १२ गते ६:२८ मा प्रकाशित

काठमाडौं । नेपाली कांग्रेसका सभापति शेरबहादुर देउवाले प्रतिनिधि सभा पुनःस्थापनाको फैसला गरेपछि अदालतले संवैधानिक दायित्व पूरा गरेको प्रतिक्रिया दिएका छन् । सामाजिक सञ्जाल ट्वीटरमा लेख्दै देउवाले भनेका छन्, ‘सर्वोच्च अदालतको फैसला स्वागतयोग्य छ । मैले सुरुदेखि नै संसद विघटनमा सर्वोच्चलाई स्वतन्त्र रुपमा फैसला गर्न सघाउनुपर्छ भन्दै आएको थिएँ ।

सोही अनुसार सर्वोच्च अदालतले स्वतन्त्र रुपमा संसद पुनःस्थापना गर्ने एतिहासिक फैसला गरेको छ । कांग्रेस सर्वोच्चको उक्त फैसलाको स्वागत गर्दछ ।’ उनले संविधान कार्यन्वयनका क्रममा देखिने विवादहरु समाधान गर्ने अन्तिम थलो सर्वोच्च अदालतनै रहेको बताए । ‘सर्वोच्चले संसद विघटन बदर गरेर संवैधानिक दायित्व पुरा गरेको छ । यसका लागि सर्वोच्च अदालतको संवैधानिक इजालशका न्यायधीशहरुलाई पनि म धन्यवाद दिन चाहन्छु ।’

प्रतिक्रिया

पछिल्ला अपडेट्स

लोकप्रिय