‘जजमेन्टल हे क्या’ को ट्रेलर

एजेन्सी, मुम्बई । बलिउड अभिनेत्री कंगना रनावत तथा अभिनेता राजकुमार राव अभिनीत चलचित्र ‘जजमेन्टल हे क्या’ को ट्रेलर सार्वजनिक भएको छ ।  सार्वजनिक ट्रेलरमा कंगना र राजकुमारको सशक्त भूमिकालाई देखाइएको छ ।

मनोविज्ञानमा आधारित ट्रेलरले दर्शकमा कौतुहलता बढाएको छ । कंगनाको अभिनय निकै सशक्त र सस्पेन्स कथामा आधारित यो चलचित्रले दर्शक तान्ने विश्वास निर्माण पक्षले लिएको छ । प्रकाश कोभेलामुडीको निर्देशनमा निर्माण भएको यो चलचित्र २६ जुलाईमा रिलिज हुने तयारीमा छ ।