उपाध्यायले ल्याए ‘राखिदिए जिन्दगीको’

काठमाडौं । गीतकार डा. डिआर उपाध्यायको नयाँ गीत ‘राखिदिए जिन्दगीको हरेक श्वास तिम्रै लागि…’ सार्वजनिक भएको छ । गीतमा नेपाल आइडलकी अस्मिता अधिकारी र गायक सागर अधिकारी ‘शरद’ को आवाज रहेको छ ।

गायक सागरकै संगीत, चन्द्र चौधरीको मिक्सिङ र प्रकाश मिश्रको मास्टरिङ रहेको गीतको भिडियो निर्देशन प्रहिल कार्कीले निर्देशन गरेका छन् । भिडियोमा अञ्जिता, कविता, प्रहिल र सन्दिपलाई फिचरिङ गरिएको छ । रोसिकले छायांकन गरेको भिडियोलाई माधव बेलवासेले सम्पादन गरेका हुन् ।

उपाध्यायका ‘प्रणय’ ‘जखम’, ‘माउन्टेन मेलोडी’, ‘नसालु नजर’, ‘जोहो’, ‘अन्तराप’, ‘प्रतिनाद’, ‘सहेली’, ‘परिष्कृत’, ‘कृति’ र ‘पृथक’ जस्ता गीति एल्बम स्रोता÷दर्शकमाझ आएका छन् । त्यस्तै उनका ‘अतिरिक्त’, ‘भाग्यचक्र’, ‘स्वार्थी’, ‘त्यागी’, ‘बज्रघात’, ‘अपवित्र छायाँ’, ‘बिटुली’ ‘दगाबाज’ र ‘अधुरो प्रेम’ जस्ता उपन्यास पाठकमाझ आएका छन् ।