खोजखबर

चौधरी र राई चढ्ने जीपमा आगजनी

सौर्य अनलाइन २०७० कार्तिक १३ गते ५:४९ मा प्रकाशित

Shanta-Chaudharyदाङ, १३ कात्तिक । दाङ क्षेत्र नम्वर–२ की एमालेका तर्फबाट प्रत्यक्षमा उम्मेदवार शान्ता चौधरीको जीपमा आगजनी भएको छ ।

चुनाव प्रचार–प्रसारमा प्रयोग हुँदै आएको रा १ ज ३६५ नम्वरको जीपमा अपरिचित समूहले मंगलबार राति आगजनी गरेको प्रहरीले जनाएको छ । प्रचार–प्रसार पछि चौधरीले आफ्नै घर अगाडि जीप राखेकी थिईन् ।

आगजनीबाट जीपका टायर जलेका छन् । जीपको ईञ्जिनमा समेत क्षति पुगेको छ ।

उता, धनकुटामा क्षेत्र नम्बर–२ का कांग्रेसका प्रत्यक्ष तर्फका उम्मेदवार अनन्दसन्तोषी राईको जीपमा आगजनी भएको छ ।

मे १ ज २३७ नम्बरको जीपमा अपरिचित समूहले आगो लगाएर क्षति पुर्‍याएको प्रहरीले जनाएको छ । जीपमा मंगलबार मध्यराति आगजनी भएको हो ।  आगजनी गर्ने समूहको पहिचान हुन बाँकी रहेको प्रहरी भनाई छ ।

प्रतिक्रिया

पछिल्ला अपडेट्स

लोकप्रिय