खोजखबर

खोज पत्रकारिता पुरस्कार कोष स्थापना

सौर्य अनलाइन २०७० जेठ २ गते २३:०० मा प्रकाशित

काठमाडौं : नेपालमा खोज पत्रकारिताको विकास गर्ने उद्देश्यले १० हजार अमेरिकी डलर बराबरको खोज पत्रकारिता पुरस्कार कोष स्थापना गरिएको छ । बारबरा पिस फाउन्डेसनकी संस्थापक अध्यक्ष बारबरा एडम्सले कोषको स्थापना गरेकी हुन् ।
बिहीबार बारबरा पिस फाउन्डेसन र त्रिवि पत्रकारिता तथा आमसञ्चार केन्द्रीय विभागले संयुक्त कार्यक्रम गरी कोष स्थापना गरिएको जानकारी दिएको छ । पुरस्कार पत्रकारिता तथा आमसञ्चार विभाग मातहतमा रहने जानकारी कार्यक्रममा गराइएको छ ।
प्रध्यापक खरेलले बारबरा एडम्सको व्यक्तित्व र पत्रकारितासँग लामो आवद्धता रहेका कारण नै विभागले उनको प्रस्तावलाई स्वीकारेको बताए । ‘जोसुकैले स्थापना गर्न खोज्ने पुरस्कार हामी स्विकार्दैनौँ,’ खरेलले भने, ‘यो पुरस्कार हरेक वर्ष ५१ हजार रुपियाँको पुरस्कार दिने तय भएको छ ।’
‘नेपाल संसारमा सबैभन्दा सुन्दर देश हो, यहाँ नभएको कुरा भनेको नैतिकता मात्रै हो,’ पुरस्कारण घोषणा गर्दै एडम्सले भनिन्, ‘खोजी पत्रकारिताबाट भ्रष्टाचार बाहिर ल्याउन यो पहल गरेकी हुँ ।’ (सौस)

प्रतिक्रिया

पछिल्ला अपडेट्स

लोकप्रिय