खोजखबर

एक रुपियाँमै दिइयो स्वास्थ्य केन्द्र

सौर्य अनलाइन २०६९ असोज २० गते २३:४५ मा प्रकाशित

काठमाडौं : ६० मेगावाटको खिम्ती जलविद्युत् आयोजनाले आºनो स्वास्थ्य केन्द्र एक रुपियाँ लिएर धुलिखेल सामुदायिक अस्पताललाई हस्तान्तरण गरेको छ ।
दोलखाको किर्नेटारमा रहेको जलविद्युत् आयोजनाले निर्माण गरेको स्वास्थ्य केन्द्र सन् २०२० सम्मका लागि धुलिखेल अस्पताललाई हस्तान्तरण गरेको हो । धुलिखेल अस्पताल र आयोजनाबीच भएको सम्झौतापत्रमा सन् २०२० सम्मका लागि एक रुपियाँमा जलविद्युत् आयोजना हस्तान्तरण गरिएको उल्लेख छ । हिमाल पावर कम्पनीले खिम्ती आयोजना निर्माणका क्रममा कर्मचारी, मजदुरलगायतका लागि ०५७ देखि सञ्चालनमा ल्याएको स्वास्थ्य केन्द्र नौ महिनादेखि बन्द थियो । चार रोपनी जग्गामा रहेको अस्पतालमा फार्मेसी, बिरामी जाँच्ने, सुत्केरी गराउनेसहित १२ कोठा छन् । शुक्रबार किर्नेटारमा आयोजित कार्यक्रममा हिमाल पावर कम्पनीका महाप्रबन्धक टम क्रिस्चियनले धुलिखेल सामुदायिक अस्पतालका प्रशासकीय प्रमुख डा. राजेन्द्र कोजुलाई हस्तान्तरण गरेका थिए । धुलिखेल अस्पताल स्वास्थ्य सेवा सञ्चालनका लागि योग्य देखिएकाले स्वास्थ्य केन्द्रको जिम्मेवारी दिइएको हिमाल पावरका महाप्रबन्धक क्रिस्चियनले जानकारी दिए ।
धुलिखेल अस्पतालको १४आँै आउटरिच सेन्टरका रूपमा स्वास्थ्य केन्द्रलाई सञ्चालनमा ल्याउने अस्पतालका प्रशासकीय प्रमुख डा. कोजुले बताए । ‘दोलखा र रामेछाप जिल्लाका विभिन्न क्षेत्रमा स्वास्थ्य सेवा दिन पाउँदा खुसी छाँै, सर्वसुलभ र प्रभावकारी रूपमा अब स्वास्थ्य सेवा पाउनेछन्,’ डा. कोजुले भने । डा. कोजुका अनुसार अब उक्त स्वास्थ्य केन्द्र किर्ने स्वास्थ्य केन्द्रको नाममा सञ्चालन हुनेछ ।
अस्पतालले रामेछाप र दोलखाका २० गाविसका १५ हजार बासिन्दालाई लक्षित सेवा अघि बढाउने र १ मेडिकल डाक्टर, १ अनमी र १ ल्याब असिस्टेन्टका साथै एम्बुलेन्स सेवासहित २४ घन्टा नै सेवा दिने जनाएको छ ।

प्रतिक्रिया

पछिल्ला अपडेट्स

लोकप्रिय