खोजखबर

क्यासिनोसंग वक्यौता कर उठाउन निर्देशन

सौर्य अनलाइन २०६९ वैशाख ६ गते ७:५२ मा प्रकाशित

काठमाडौं, ६ वैशाख । संसदको सार्वजनिक लेखा समितिले नेपालका क्यासिनोले तिर्न वाँकी वक्यौता एक महिना भित्र असुल उपर गर्न सरकारलाई निर्देशन दिएको छ ।

सिंहदरबारमा आज बसेको समिति बैठकले क्यासिनोले तिर्न बाँकी वक्यौताका बिषयमा अर्थ मन्त्री वर्षमान पुन र पर्यटन मन्त्री लोकेन्द्र विष्ट मगरसँग स्पष्टीकरण समेत लिएको छ ।

समितिले यसअघि २०६७ पौस १३ गते दिएको निर्देशन कार्यान्वयन नभएको भन्दै सोही निर्देशन अनुसार वक्यौता असुल गर्न दोहराएर निर्देशन दिएको सभापति रामकृष्ण यादवले जानकारी दिए ।

तत्कालिन निर्देशनपछि पनि चार वटा क्यासिनोबाट उठ्नु पर्ने चालीस करोड रुपियाँ भन्दा बढी रकम असुल उपर नहुनुको कारण बारे अर्थमन्त्री र पर्यटनमन्त्रीसँग समितिले स्पष्टिकरण लिएको हो ।
अर्थमन्त्री वर्षमान पुनले क्यासिनोका पूराना सञ्चालक फरार भएको र नयाँ संचालकले वक्यौता रकम तिर्ने प्रतिबद्धता व्यक्त गरेका कारण समय लागेको वताए ।

होटल याक यण्ड यतिको क्यासिनो रोयलले चार करोड ६५ लाख, सोल्टीको क्यासिनो नेपालले सत्र करोड, फुलवारी होटलको फूलबारी क्यासिनोले ६ करोड र अन्नपूर्ण होटलको क्यासिनो अन्नाले ११ करोड रुपैयाँ राजश्व तिरेका छैनन् । राजश्व तिर्न वाँकी यो विवरण २०६८ मंसिर मसान्तसम्मको मात्र हो ।

प्रतिक्रिया

पछिल्ला अपडेट्स

लोकप्रिय